15/12/14

ABRE A TÚA PORTA

"Abre a túa porta" é o blog que nace co Proxecto de intercambio e convivencia que ten lugar entre o noso centro e o CEIP Isidora Riestra de Poio, e que se repite por segunda vez este ano, dado o éxito o curso pasado.

O Proxecto consiste na interrelación entre o alumnado dos dous colexios e o achegamento a través de diversas formatos textuais ou dixitais: postais, cartas, murais, vídeos, etc.

Os obxectivos son fundamentalmente dous:

- Coñecer nenos e nenas doutros contextos, neste caso pertencentes a unha zona máis rural, e por tanto, valorar a diversidade, así como adquirir habilidades sociais.
- Dar sentido á escritura, empregando textos significativos ou medios dixitais.

Este curso participan 1º, 2º e 3º nivel. E polo de agora, fixéronse dúas actividades: a presentación entre cada aula de cada nivel a través de murais e a visita dos nosos nenos e nenas ao outro centro.

Preme aquí para ver o blog ou escribe na barra de dirección:



5/12/14

BRINCALETRAS 1

Hoxe enviamos ás casas o primeiro Brincaletras, que nace con moita ilusión e con ánimo de que vos divirtades en familia empregando a lingua galega. E xa sabedes, os mellores Brincaletras serán premiados cunhas medallas estupendas!

Que o desfrutedes!!!



HISTORIA DA BICICLETA DUN HOME LAGARTO

A semana pasada, Fina Casalderrey presentou o seu novo libro "Historia da bicicleta dun home lagarto". E nós tivemos a sorte de participar nesta presentación da man de Teo de 3º A e Lucía de 4º C, que o fixeron estupendamente!

Noraboa!

PRESUME DE GALEGO

Existimos os e as galegofalantes de menos de 60 anos, incluso de menos de 40, e de 30, de feito case ningún chegamos aos 18! 
Se entras aquí podes comprobar que desde os 3 anos xa falamos moi ben!
Porque a nós tamén nos gusta mimar o noso galego, presumir do ben que falamos, da fonética marabillosa que nos sae da gorxa!
Por iso queremos compartir a nosa fala. De aquí e de acolá. Desde Ortegal ata o Miño, desde Fisterra ata os Ancares, desde A Coruña a Vigo...
Falamos de calquera tema en menos dun minuto e ti podes escoitarnos e/ou xuntar xuntar a túa voz coa nosa!
Entra e escoita! E se che gusta... comparte e participa!



OLLOS DE AULA Nº 18

Aquí tendes o Ollos de aula do mes de decembro! Neste número poderás ver: como é o primeiro ano de escola para os nenos e as nenas de Educación Infantil, como educar aos homes para o século XXI e varios aspectos sobre o Regulamento de Réxime Interno, entre outras cousas. Preme na imaxe.

 

4/12/14

CONTOS DE MEDO

Que contos tan terroríficos, arrepiantes... contaron tanto mamás como papás, tíos, avoas... 
Hai que darlles as grazas pola súa participación nesta actividade programada para celebrar o Samaín. Ademais fixérono moi ben!!

 

3/12/14

MURAL "O NOSO MAGOSTO" DE 4º

PREMIO ONDAS PARA PONTE NAS ONDAS


CONCURSO MELODÍA DA IGUALDADE

Outro ano máis, e coincidindo coa celebración do Día Internacional dos Dereitos dos Nenos e das Nenas, o noso colexio participou no concurso "Melodía da Igualdade", organizado polo Concello de Pontevedra e a Fundación Meniños. Nesta edición, os traballos centráronse no Dereito á Igualdade.

De entre todos os premiados, tivemos dous gañadores do noso centro: 

Pola categoría de 1º e 2º, Paula Azcueta Vidal, con este debuxo.


E na categoría de 3º e 4º, André Pazo Domínguez, co relato "Un día para pensar". 



Noraboa aos dous!!!

Estamos moi orgullosos!



28/11/14

XA TEMOS LOGO!!

Esta semana, o ENDL do Marcos da Portela seleccionou os logos finalistas, e entre eles, o  logo gañador!

Foi moi complicado escoller un, xa que todos eran fantásticos!!!!

Moitas grazas por participar rapaces e rapazas!!!

Aquí tendes á gañadora, Paola de 6º B, co seu logo.

Noraboa Paola!!!!



LOGOS FINALISTAS


 LOGOS PARTICIPANTES

25/11/14

DÍA INTERNACIONAL CONTRA A VIOLENCIA DE XÉNERO

Dedicado a todas as mulleres neste día de loita pola igualdade. Porque somos fortes, valentes, loitadoras, independientes, arriscadas, porque todos xuntos, homes e mulleres, podemos facer desta sociedade un mundo mellor.

23/11/14

CÁNTAMO EN GALEGO

“Cántamo en Galego” é un novo espazo musical radiofónico no que cada luns, durante o programa Pontevedra na Onda, coñeceredes todas as novidades da produción musical en galego: discos, concertos, certames, festivais, eventos...








OLLOS DE AULA Nº 17

Novo número da revista Ollos de aula!

Nesta entrega analízanse as consecuencias negativas que para o galego ten o Decreto do Plurilingüismo catro anos despois da súa aprobación.

Ademais, a orientadora Mª Dolores González Piñeiro fálanos de "educar nas emocións" e a psicopedagoga Lines Salgado subliña a importancia da "Hora de Ler". Así mesmo, Gracia Santorum animános, a ler e a escoitar, e desta volta tamén a percorrer e sentir a ameazada Fraga de Catasós de Lalín.


13/11/14

O MAGOSTO

Xa cheira a castañas, é tempo de Magosto! 

Por iso vos deixamos esta bonita canción de Jesús Pareja, así como unha web moi completa da que podedes sacar moitos recuros.

Esperemos que o tempo nos acompañe para celebralo como se merece.



27/10/14

22/10/14

GLOGSTER SAMAÍN 2014

Achégase o Samaín, e por iso o ENDL elaborou este Glogster cunha escolma de recursos recompilados na rede.

Para acceder, premede na imaxe e iredes directamente ao Glogster.

Esperamos que vos guste e lle saquedes moito proveito!



17/10/14

TAMBO

Mañá sábado 18 ás 20:00 horas tendes unha cita no Teatro Principal de Pontevedra: un concerto de Tambo coa Banda Fungadeira.

Tambo é un proxecto que naceu dunha actividade dinamizadora da Biblioteca do CEIP do Carballal de Marín, no que o alumnado elaborou relatos que tratan valores como a conservación do medio ambiente ou a discapacidade. 

O resultado deste traballo foi un libro disco de contos cantados en galego, finalista nos Premios á Edición do Mellor Libro Infantil en Galego 2013.



15/10/14

PREMIO LEIXAPRÉN 2014

María Xosé Silvar, coñecida como Sés, música e cantautora coruñesa, foi gañadora do Premio Leixaprén deste ano 2014, un premio de recoñecemento á defensa e promoción da lingua galega que se fai entrega cada ano a un persoeiro público, escollido por votación entre os diversos ENDL adscritos á Coordinadora Galega.



EN XOGO

Rexistrate en EN XOGO!

So necesitas:
- Unha conta de correo.
- Un nome para identificarte. 
- E un contrasinal.

Poderás xogar a: Curuxa, Trivial, Catapalabras e Letrad@s

Atrévete e demostra o que sabes.



11/10/14

DOUS LIBROS GALEGOS ENTRE OS MELLORES DO MUNDO

A Feira Internacional do Libro de Fráncfort presentou esta semana o catálogo White Ravens, un listado das mellores 200 obras de todo o mundo para o público infantil deste ano. 

Entre os sete títulos españois que figuran, dúas son de editoriais galegas: "Galiño pelado", na súa versión en castelán, de OQO; e o álbum "Nicomedes o pelado", de Kalandraka.

Este último, ademais, en galego, é o único libro incluido na White Ravens editado nunha lingua cooficial do estado español distinta do castelán.



10/10/14

OLLOS DE AULA Nº 16 - REVISTA PARA AS FAMILIAS

Comparto con vós a edición número 16 da revista Ollos da aula, que para os que non a coñezan é unha revista que publica a Coordinadora Galega de Equipos de Normlización e Dinamización Lingüística de xeito mensual, e que informa ás familias de todos aqueles aspectos da educación que están de actualidade.

Nesta primeira entrega do curso 2014/2015 abórdanse temas como: crear hábitos de traballo nos nenos/as, cambios inminentes que introduce a LOMCE, que é a aprendizaxe por proxectos, propostas lectoras, etc.






6/10/14

CONCURSO DE LOGOS

Convidamos ao alumnado de segundo e terceiro ciclo a deseñar un logo para o noso ENDL. Un logo que estará relacionado co nome do blog "A palabra saborosa".

Unha vez que o elaboredes, seguindo as instrucións descritas no cartaz, indicaredes nome e curso por detrás do papel e o entregaredes ao titor ou á titora.

Posteriormente selecionaremos os mellores logos, para despois votar polo único e definitivo.

Animádesvos?




GALEGO, LINGUA MINORITARIA?

Un curso máis, o Equipo de Normalización e Dinamización Lingüística do CEP Marcos da Portela continúa a súa andaina neste blog das palabras saborosas, adicionando ingredientes suculentos e receitas exquisitas. Porque o galego está presente nas mellores linguas, porque é e debe ser unha lingua rexa!

15/5/14

TRABALLOS SOBRE ROSALÍA DE CASTRO

A  Semana Cultural preséntase ateigada de actos moi interesantes: teatro, cancións, presentación de contos, entrega dos premios do Certame Literario... Por certo o alumnado do 1º ciclo presentou para este certame uns fermosísimos murais!! Aquí os tendes!



FOTOS DE TODOS OS TRABALLOS DOS MURAIS FOTOS DOS TRABALLOS DE 4º B

BRAVO POLO NOSO MAIO

Que fermoso quedou o "maio" do noso centro!! Así foi que gañamos cinco premios!! Parabéns a todos e todas os que participaron na súa realización. Tamén, como non, aos nenos que cantaron as coplas, por ese primeiro premio acadado!



18/3/14

21 DE MARZO: DÍA DA POESÍA E DA ÁRBORE

Este venres temos unha dobre celebración: o Día da Poesía e da Árbore. Xa temos preparado o  vídeo do poema "Penélope", escrito polo autor homenaxeado este ano no Día das Letras Galegas.
Seguro que ides  recitar moitos dos poemas de Rosalía, por certo, que traballos máis fermosos están a facer, os nenos e nenas do cole, sobre estes poemas!! Empezamos, agora, cun vídeo do noso benquerido Manuel María e os recursos para traballar a poesía!



A nosa presentación do fermoso poema de Xosé María Díaz Castro titulado "Penélope", o primeiro con audio de alumnos e alumnas de 6º A, B e C. Despois aparece sen audio, só con música. Ollo!, non está en galego normativo.



RECURSOS
 

6/3/14

DÍA DA MULLER TRABALLADORA



  • O 8 de marzo celébrase o Día da Muller Traballadora. En todo o mundo, hai e houbo unha morea de mulleres que foron moi importantes para a cultura, política, ciencia... dos seus respectivos países. E, como non, en Galicia tamén temos moitísimas mulleres loitadoras, emprendedoras... Queres coñecelas? Se premes na imaxe poderás comezar a  PROCURA DO TESOURO DAS MULLERES GALEGAS ILUSTRES.



 CAZA DO TESOURO

  • Pronto empezaremos cunha fermosa actividade de arte pictórica, na que veremos o traballo que desenvolveu a muller, na nosa sociedade,  a través de interesantes cadros, moitos deles pintados por mulleres. Pintaremos e analizaremos estes cadros facendo tamén arte coa nosa lingua. Xa veredes que interesesante!! As profes xa están buscando os cadros cos que imos traballar, comezaremos nun intre!!
Se queres empezar a ler algo sobre este tema preme na imaxe.

 mulleres na arte

  • RECURSOS
  1. MULLERES NAS LETRAS Ligazón moi interesante sobre as mulleres máis importantes da nosa literatura. Cultura Galega.org
  2. MULLERES E CIENCIA EN GALICIA  Cultura Galega.org
  3. MULLERES E MAR   Cultura Galega.or
  4. MULLERES GALEGAS (Galicia espallada)
  5. Se queres ler sobre outras mulleres científicas, como Hipatía de Alexandría ( que naceu no ano 370) ou Marie Curie, preme nas súas fotos.

 Curie Hipatia


  •  E TI, QUE QUERES SER? COÑECES ESTE CONTO?
Por que todas as nenas queren ser princesas rosas?


Carlota era unha princesa rosa, pero estaba farta de ser princesa e estaba farta do rosa.
Ela quería percorrer mundo e correr aventuras, quería cazar dragóns, buscar tesouros e adestrar bolboretas. Pero a súa nai era unha princesa rosa, e opinaba que as princesas tiñan que ser rosas e delicadas como as rosas; o seu pai, que era un príncipe azul, tamén opinaba que as princesas tiñan que ser rosas e delicadas como as rosas.
Carlota argumentaba que ela non era unha rosa, que era unha nena moi triste coa súa vida rosa. Ao ver á súa filla deste modo, a nai e o pai decidiron preguntarlles as fadas se Carlota tiña que ser como as rosas ou como as nenas.
A fada madriña máis vella e máis sabia dixo que as nenas non eran flores, senón que podían ser o que quixeran ser.
Carlota abandonou os seus vestidos rosas e púxose a cantar, bailar e viaxar.
Mentres o facía, preguntábase: "Por que todas as nenas queren ser princesas rosas?"


AGORA XA PODEDES ESCRIBIR VERSIÓNS DIFERENTES DOS CONTOS DE SEMPRE, NELES NON TEN QUE HABER UN PRÍNCIPE QUE SALVE Á PRINCESA!! SEGURO QUE A PRINCESE SABE COMO FACELO!!

  •  Aquí tendes un vídeo sobre o conto titulado "O Libro dos Porcos" , seguro que na vosa familia colaborades todos/as, verdade? 


  




  • Outros libros que non hai que deixar de ler:


 Arturo e Clementina son dúas fermosas tartarugas namoradas que viven á beira dun estanque. Mentres Arturo pasa o día pescando, Clementina abúrrese tremendamente. Para que se distraia, Arturo tráelle moitas cousas: un tocadiscos, un cadro, unha enciclopedia..., pero a Clementina o que de verdade lle interesa é ver mundo.







  No libro titulado "O País dos Mandóns" uns cantos mandan sobre o resto e non permiten que as nenas, as mamás ou as avoas, xoguen, saian ou traballen fóra das súas casas. iNCRIBLE, NON?








  • E PARA REMATAR UN XOGO!! A OCA DA IGUALDADE

 XOGO DA OCA

13/2/14

DÍA DE ROSALÍA DE CASTRO

O vindeiro 24 de febreiro celébrase o Día de Rosalía. Cantos fermosos poemas poderemos ler desta gran escritora! Aí vai a nosa pequena homenaxe! Unha presentación  sobre a súa vida e obra, para coñecela un pouquiño máis!
A entrada cos outros recursos é anterior (13/01/2014). Podes buscala ou premer na etiqueta Rosalía de Castro  que está ao final desta entrada, así terás as dúas xuntas.



MANUSCRITO INÉDITO DE ROSALÍA


ADIÓS, RÍOS; ADIÓS, FONTES... ESCOLMA DE POEMAS, ATOPADOS NA REDE,  REALIZADA POR ESTE EQUIPO
OBRAS DE ROSALÍA (TEXTOS) DA BIBLIOTECA VITUAL GALEGA
AUDIOS DE POEMAS DE ROSALÍA DE CASTRO
MÁIS LIGAZÓNS NA OUTRA ENTRADA. PREME NA ETIQUETA DE ROSALÍA,  ABAIXO.

12/2/14

O ENTROIDO!! RECURSOS

Este ano para celebrar o Entroido  fixemos un gran desfile cos nosos difraces relacionados coa cociña, o xuízo do Meco e mural sobre os Entroidos Tradicionais:











Sabes que en Galicia temos unha morea de entroidos!! Imos coñecer un pouco máis estas figuras do ENTROIDO TRADICIONAL GALEGO: Peliqueiro, Pantalla, Vergalleiro, Cigarrón...e, como non, as Madamas e Galáns de Vilaboa.
RECURSOS DA COORDINADORA GALEGA
Estupenda presentación reralizada pola profesora Ángeles Viéitez
ESTUPENDA PRESENTACIÓN SOBRE O ENTROIDO REALIZADA POR ÁNGELES VIÉITEZ

 PRESENTACIÓN REALIZADA POR ESTE EQUIPO
PRESENTACIÓN REALIZADA POR ESTE EQUIPO (RECORDA PÓR EN PANTALLA COMPLETA, PARA SAÍR PREME EN "ESCAPE")



FIGURAS TRADICIONAIS DO ENTROIDO GALEGO
ENTROIDOS TRADICIONAIS



LIM MOI INTERESANTE SOBRE OS ENTROIDOS TRADICIONAIS
CULTURA GALEGA OS BOTEIROS
O ENTROIDO  EN VIEIROS.COM
O ENTROIDO EN OURENSE
O ENTROIDO EN GALICIA ESPALLADA