OBRADOIRO CIENTÍFICO. OS MARTES CONTAN CON ARTE

Para rematar o curso, gozamos dunha tarde de experimentos da man de Arenaria. Con estas científicas puidemos explorar a ciencia dende preto e emocionarnos coas experiencias que nos foron preparando. Puxemos en práctica o método científico e as nosas cabezas non pararon de pensar e formular hipóteses. Foi interesantísimo á  vez que impresionante!

OBRADOIRO DE CINE E MAXIA. OS MARTES CONTAN CON ARTE

Este martes contamos coa visita da compañía Lagriot´te para realizar un obradoiro de cine e maxia. Faláronnos das orixes do cinema e a súa faceta máis máxica a través das primeiras gravacións da historia. Aprendimos moitísimo! 

Tamén fixemos a nosa propia película e para finalizar construimos un taumátropo.

Pasámolo en grande!

OS MARTES CONTAN CON ARTE. CANTAMOS CON LUIS...EN GALEGO!!

O pasado mércores 24 de abril tivemos a sorte de ter con nós a Luis. 

Bailamos e cantamos contos clásicos como, "os tres porquiños", "o parruliño feo"... dunha maneira diferente, reconvertidas en divertidas cancións con aire de rock.

Moitas grazas pola visita!

OS MARTES CONTAN CON ARTE. ROSALÍA DE CASTRO

Para celebrar o Día de Rosalía de Castro realizamos un obradoiro de chapas e un mural Pop-Art da man de "Barafunda Animación". 

Pasámolo moi ben e os nosos artistas desfrutaron enormemente deixando voar a súa creatividade.

Grazas por participar!

OS MARTES CONTAN CON ARTE. KAMISHIBAI, CONTOS POLA PAZ.

Para celebrar o Día Escolar da Non Violencia e da Paz, contamos cun estupendo contacontos e teatro de papel. Coas diferentes historias que nos contaron, aprendemos moitísimos valores sobre a natureza, a ciencia, o planeta e os seus habitantes. 

Moitas grazas pola visita!

BRINCADEIRAS DA LINGUA

Dicimos deica o curso que ven aos "Martes contan con arte" con Brincadeiras da Lingua, un espectáculo de Migallas Teatro cheo de xogos, contos e cancións sobre os ditos e recitados da literatura popular infantil de Galicia.

Pasámolo en grande!

A CIDADE VIOLETA

Con motivo da celebración do Día da Muller realizamos un obradoiro de igualdade e creatividade, "A Cidade Violeta", dirixido por Anxo Fariña. Aprendimos moitos dos seus trucos para crear personaxes e pintamos unha cidade violeta cunhas pinturas especias que se iluminaban na escuridade cunha lanterna. Pasámolo en grande!

OS MARTES CONTAN CON ARTE. A pomba de Pablo

Este pasado martes tivemos a sorte de poder gozar do contacontos ilustrado "A pomba de Pablo", da man de Polo Correo do Vento. Pasamos un momento marabilloso e cheo de risas. 

Animámosvos a seguir asistindo a estes encontros tan especiais. 

VOLVEN "OS MARTES CONTAN CON ARTE"

Dámoslle a benvida á nova tempada de "Os martes contan con arte"!

Este mes contamos coa visita do xa coñecido ilustrador Marc Taeger e a nosa querida compañeira Olalla como contacontos. Pásamalo en grande cos seus contos de medo!

Aquí vos deixamos un resumo dos momentos vividos.

Novas actividades e obradoiros están por chegar. Esperámosvos!

OS MARTES CONTAN CON ARTE

Damos a benvida a... OS MARTES CONTAN CON ARTE!

 

CONTAPINTACONTOS CON BEA CAMPOS E MARC TAEGER

OBRADOIRO CON ANXO FARIÑA

MAXIA E CIENCIA CON DAVID MÉNDEZ

"ELAS PINTAN MOITO" CON MIGALLAS TEATRO

KAMISHIBAI "DEBULENDO LENDAS" CON TARABELOS