16/11/20

A BIBLIOTECA ESPÉRAVOS!

Con esta situación que estamos a vivir, que mellor que refuxiarse nos libros? 

A Biblioteca espéravos coas portas abertas para que gocedes da lectura e do mundo da fantasía. Lembrade que estamos abertos polas tardes de luns a xoves, en horario de 16.00 a 18.00 e que este ano temos unhas novas normas. 





30/6/20

CHORIMAS Nº14


Xa podedes  admirar a nosa fermosa publicación, o noso CHORIMAS!! Unha escolma de traballos  de todas as clases! Parabéns por este formidable traballo!

9/6/20

VÍDEOS DÍA DAS LETRAS GALEGAS 2020 (COMUNIDADE EDUCATIVA, INTÉRPRETE DE LINGUA DE SIGNOS, FINA CASALDERREY, CENTRO FINGOI )

Ricardo Carballo Calero. Día das Letras Galegas.2020
Preme para acceder aos vídeos

No  Día da Letras Galegas 2020, presentámosvos dous fermosísimos vídeos.
Un deles está realizado pola nosa  ANPA O Miradoiro, e no cal colaborou toda a Comunidade educativa; outro foi realizado por Rosa, a intérprete de lingua de signos do noso centro, sobre unha obra do autor homenaxeado: "As pitas baixo a choiva". Parabéns!! Que boa maneira de festexar esta celebración na que se homenaxea a Ricardo Carballo (Carvalho) Calero!

Que mellor que compartir o traballo entre os centros educativos!! O noso centro enviou ao colexio  Fingoi, sito en Lugo e onde traballou Riacardo Carvalho Calero, os PASAPALABRAS e eles compartiron con nós o seu fermoso vídeo. 
Non esquezades ver e solucionar os interesantísimos PASAPALABRAS realizados polo EDL do noso centro para cada un dos ciclo, aparecen nunha entrada anterior.




5/6/20

MAXIA NA MANGA

Estupenda charla espectáculo de maxia "A igualdade non ten truco", que procura promover a igualdade de xénero a través da arte do ilusionismo e das vivencias das mulleres ilusionistas, explicando diversos conceptos do feminismo e actitudes sexistas de xeito ameno, interactivo e sorprendente!

 Co gallo do Día da Muller Traballadora tivemos dúas sesións do grupo "Maxia na manga" o día 11 de marzo (unha de 1º a 3º e outra de 4º a 6º), a cargo de Sara Rodríguez e Carlos Tomico; ambas as dúas sesións conxugaron maxia e mensaxes de igualdade, de acordo ás idades do alumnado ás que ían dirixidas.

Ademais de rir a esgalla, aprenderon a importancia de vivir nunha sociedade igualitaria!
PREME NA FOTO PARA VER MÁIS

14/5/20

PÁXINAS INTERESANTES PARA COÑECER AO HOMENAXEADO NO DÍA DAS LETRAS GALEGAS: RICARDO CARBALLO CALERO



Concurso da Xunta. Biografía en carteis.

Portal da lingua galega (Tamén leva aos carteis).

SEMINARIO GALÁN: Actividades para todas as idades

OS BOLECHAS FALAN DE Carvalho Calero e a súa obra SCÓRPIO

A RAG sobre D. Ricardo:
Unha palabra para D. Ricardo”. Son varios vídeos de persoeiros falando do escritor para celebrar as Ls Gs.

Conto AS PITAS BAIXO A CHOIVA.
Conto, músicas e unidade didáctica. http://aspitas.gal/
Biografías:





PASAPALABRAS PARA CADA CICLO / DÍA DAS LETRAS GALEGAS 2020



Xogo, creativo e interesante, co que se achega a figura de Ricardo Carballo Calero, homenaxeado no Día das Letras Galegas 2020.
Realizado polo Equipo de Dinamización Lingüística do CEP Marcos da Portela. ParabénS,  magnífico traballo!! 


15/4/20

Recomendacións para ter acceso a libros en formato dixital

Recomendación da RAG (preme na imaxe)

 Xerais (@Xerais) | Twitter


A xunta pon a disposición de toda a poboación, durante o confinamento polo coronavirus, 4.500 títulos das bibliotecas públicas de Galicia.

www.Galicia Le.gal

Non tes carné de biblioteca? Rexístrate e coas claves que recibirás, accederás igualmente a eBiblio Galicia e ao Catálogo galego. Cando remate a corentena, disporás de 30 días para achegarte á biblioteca a solicitar o carné e seguir gozando das vantaxes de GaliciaLe.

Hai que rexistrarse para acceder aos libros dixitais, para o que compre:
 Ter un ordenador, tableta, … compatible.
 Unha conta de correo electrónico.

Os/as menores de 14 anos tamén poden rexistrarse, con permiso dun adulto responsable (pai, nai, titor/a).
   

                                                                                         EDLG-BIBLIOTECA

POEMAS COMPARTIDOS

Entre o DÍA DE ROSALÍA, 24 de febreiro, e o DÍA DA POESÍA, 21 de marzo, estábamos a facer una actividade que lle chamamos
POEMAS COMPARTIDOS
na que cada membro da comunidade educativa podía agasallarnos cun poema, de Rosalía de Castro ou outro/ autor/a galego/a.
Este poema sería colgado, nun espazo acondicionado do vestíbulo, para poder coller outro e gozar coa súa lectura.

Tendo en conta as circunstancia actuais é difícil compartilos, pero
todo o alumnado que queira pode copiar un poema, ou más de un se así desexa, e, cando regresemos ao colexio xa poderemos levalos e compartilos.

As condicións que deben cumprir son:
Escrito en galego.
Boa letra, boa presentación, pode incluír ilustracións.
Seguir o esquema da plantilla (preme aquí).

Poden participar nenos e nenas desde 1º a 6º, pero tamén nais, pais, …

Ánimo!
Esperamos o teu agasallo!


Equipo de Dinamización da Lingua Galega

POESÍAS COMPARTIDAS by Marcos Portela on Scribd

1/4/20

DÍA INTERNACIONAL DO LIBRO INFANTIL E XUVENIL: 2 DE ABRIL





Nesta data lembramos ao escritor de contos clásicos Hans Christian Andersen. Os seus contos son coñecidos por todos e todas:
El ruiseñor, La Sirenita, El Patito Feo, El soldadito de Plomo, La reina de las Nieves…
O Traxe novo do Emperador (En galego)
Podemos aproveitar estes días na casa para ver vídeos dos seus contos no YouTube.

Se premes nesta ligazón Día do Libro, podes atopar máis entradas publicadas neste blog!



31/3/20

CATRO XOGOS EN GALEGO PARA O CONFINAMENTO



Xogar en galego é unha posibilidade real durante o confinamento. A Asociación Socio-Pedagóxica Galega (AS-PG) ofrece na súa páxina web, totalmente de balde, catro opcións diferentes e online, para nenas e adultas, cos que pasar as horas durante este encerro.


LENDO NAS NOSAS CASAS


LENDO NAS NOSAS CASAS

Nestes días de confinamento queremos darvos algunhas ideas para gozar da lectura na casa. 

Xenerosamente algunhas editoriais poñen a nosa disposición algúns títulos para que poidamos ler nos nosos dispositivos de balde. Fagamos un bo uso destas iniciativas e gocemos da compaña dos libros.
En galego:
  • Baía edicións
  • Xerais
En castelán:
  • Anaya

Outras iniciativas:
  • canal KALANDRAKA TV, ofrécenos contos contados.
  • TVG -Contos do camiño
  • Aulas galegas. Lecturas compartidas (hai unha ligazón perrmanente na web do cole, á dereita)
  • Os Bolechas- YouTube (Vídeos animados dos contos)
  • GaliciaLe
A plataforma de préstamo de obras en formato electrónico das bibliotecas públicas galegas.

19/2/20

ENTROIDO 2020

Este ano imos celebrar un Entroido moi cómico:o alumnado de 1º e 2º irá disfrazados de pallasos/as; o de 3º, de Mucha e Nucha; o de 4º, de Chaplin; o de 5º, de mimos; e o de 6º de Tricicle!!


 O alumnado do 3º ciclo escribiu unha coplas moi interesantes que podedes ler neste documento (preme aquí para acceder a Google).


 A continuación podedes ler o marabilloso testamento que fixo o alumnado de 4º. A ver que vos deixaron!!!
TESTAMENTO 2020 by marcos on Scribd
VÍDEO DE 6° PARA RIR SEN PARAR!!

PREME NA FOTO PARA VER OUTRAS

30/1/20

DÍA DA PAZ 2020

Un ano máis celebramos o Día da Paz cun fermoso e emotivo acto! Poesía e cancións, que mellor combinación!!

 En primeiro lugar,  tivemos unha interesante  charla, a cargo da nosa directora, Alicia, sobre o que significa este día e a figura de Isabel Zendal, a quen se lle dedicou a xornada.

 Despois, o alumado de 4º deleitounos cun emocionante poema versionado a partir du texto de Antonio García Teijeiro!  Parabéns a estes nenos e nenas, as titoras e a profe Isa que nos trouxeron palabras tinguidas de paz!

Olladas de Paz by marcos on Scribd
A continuación, todo o alumnado do centro, cantou a canción "Un veleiro verde" de María Fumaça;  e así, embarcámonos  nese mundo de paz e harmonía,  co que todos e todas soñamos, coa palabra e a "Lingua de signos" da man da nosa intérprete, Rosa, coa que temos a sorte de contar un ano máis!
PREME PARA VER MÁIS FOTOS
E non esquezamos o mural no que participaron todos os niveis! O alumnado escribiu, en pingas de cores, todo o negativo do mundo que faría desaparecer coas súas vacinas especiais!

Tres alumnos agasalláronnos con palabras de paz, grazas, rapaces! Poema do alumnado 4º nivel O VELEIRO VERDE

27/1/20

BRINCALETRAS!!

Magníficos "Brincaletras" da profe Isa e Dolores Froján para todos os niveis! Agora só hai que poñerse mans á obra, e facelos da maneira máis creativa posible. Disfrutade coa creación literaria a partir destes versos de Antonio García Teijeiro!!





22/12/19

Decoración de Nadal 2019

Magnífico belén realizado por Mª Jesús (nai de dous ex alumnos) e Maricarmen, a profesora de Relixión!! Un belén que visibiliza e fomenta a sostibilidade que proclama o noso centro.


 E, tamén, magnífica  decoración do vestíbulo e do salón a cargo das nais do noso centro! Ademais, da árbore realizada, como vedes, de manera sostible, colgáronse creativas estrellas que portaban bos desexos para este Nadal e para o vindeiro 2020!!
Parabéns!!
Preme nesta árbore tan orixinal, para ver o resto das fotos da decoración!




Preme nesta foto para ler o artigo publicado no Diario de Pontevedra. 






FESTIVAL DE INVERNO

Que festival máis fermoso, como sempre! Aínda que este ano tivemos unha actuación moi especial: O Apalpador! Manuel, pai de un alumno e unha alumna do noso centro, contounos este conto tan tenro desta mítica figura do Nadal galego; despois do conto puidemos ver un baile moi divertido duns Apalpadores moi orixinais!!O noso alumnado xa non vai esquecer ao noso benquerido Apalpador, Manuel!
 Juan, alumno de 2º A, contounos o relato que narrou en  Santiago no concurso "Tíralle da Lingua"; fíxoo de marabilla e recibiu u merecido premio que lle foi entregado pola titora.
Ademais, as voces dos nosos alumnos e alumnas resoaron como se fosen nenos e nenas cantores/as!! E tampouco faltou o humor, pois o proxecto do cole deste  deste ano é: "En clave de humor".
Foi presentado por dúas alumnas e un alumno de 6° (Sofía, Sara e Antonio) , que o fixeron magníficamente!!
Parabéns a todos/as  os/as participantes!!
 Tampouco nos esquecemos de darllelas grazas ás mamás polo ben que adornaron o noso centro!!
Faltan algúns vídeos, poranse en breve!





< />

 Para finalizar este fermoso festival, o alumnado de 4° interpretou o tema "So this is Christmas", co que nos emocionaron moitísimo;ao mesmo tempo que cantaban, proxectouse un vídeo con imaxes da nosa cidade engalanada para recibir o Nadal! Bravo por eles e elas!!


PREME PARA VER AS FOTOS

29/11/19

NOVEMBRO, MES DA IGUALDADE

Esta semana tivemos un gran programa para traballar a igualdade no noso centro. Houbo actividades moi interesantes para todos os niveis!

 O luns, Día da Eliminación da Violencia contra a Muller,Pablo Abelleira, ex alumno deste centro e membro de NEOFEM (grupo que traballa a prol da igualdade e que recibiu o 1º premio  do concurso Ernestina Otero Sestelo, na categoría de Educación Secundaria, no ano 2018), fíxolles reflexionar  aos nenos e nenas de 5º e 6º sobre a desigualdade entre homes e mulleres, a violencia de xénero e  diferentes cuestións relacionados con este tema, como a publicidade sexista. Foi unha charla dinámica na que participou gran parte do alumnado asisente. Parabéns, Pablo, que gran sorte poder contar contigo neste día tan especial!

O martes o alumnado de 1º e 2º puideron escoitar uns contos moi especiais  sobre "Príncipas e princesos" dos Contos de Pablísimo! Que divertido e necesario cambiar os contos!!




E, por último, o alumnado de 3º e 4º puido gozar dunha grande actuación do grupo teatral "Migallas"!! A obra representada era “Elas pintan moito”.

Foi  unha sesión de contos baseada na obra de diferentes pintoras e nos elementos que as inspiraron. A través das artistas Xulia Minguillón, Sonia Delaunay, Frida Khalo e Yayoi Kusama, abórdase a cuestión da igualdade entre homes e mulleres en todos os ámbitos da vida, desde o máis cotián ata o da creación artística.



PREME PARA VER MÁIS FOTOS


28/11/19

Que ben fala Juan de 2º B!!

Magnífico relato sobre o seu añiño!! Participou no XVI Concurso de Relato oral "Tíralle da Lingua" que orgaizou a Asociación Socio-Pedagóxica Galega co obxectivo de normalizar o uso oral do galego e contribuír a que este idioma se converta en instrumento normal de comunicación e creación de historias. Foi o participante máis novo e fíxoo de marabilla, só hai que ver o vídeo para comprobalo! Parabéns, Juan!!


3/11/19

SAMAÍN 2019

Arrepiante!! Así podemos desccribir como deixaron o noso salón de actos as nais do noso centro; unha vez máis dedicaron horas e horas de traballo para sorprendernos coa súa capacidade de dedicación e creatividade. A mesma creatividade que puidemos comprobar na elaboración das cabazas, deste ano, seguindo a temática do humor. Parabéns a todos e todas por participar!!

E alí, no noso salón, puidéronse oír aterradoras historias lidas ou contadas polos nenos e nenas e... polas profesoras ataviadas para a ocasión, ao igual que moito do noso alumnado, con terroríficas vestimentas! Parabéns!!  As fotos, a continuación.

PREME PARA VER AS FOTOS DO SAMAÍN 2019




+

25/10/19

Día dasBibliotecas 2019

Para celebrar o Día das Bibliotecas 2019, encargóuselle ao alumnado de 6º unha importante misión: "Espallar as sementes das palabras de fermosos libros ,  entre os demais nenos e nenas do Marcos  da Portela". E aínda que esteamos en outono, estamos seguros de que estas sementes xermolarán e agromarán, se dúbida, en forma de emocionantes historias, contos, relatos, poemas...
Ademais o alumnado de 4º puido gozar dos froitos que, a longo destes anos, se obtiveron no noso Centro! Parabéns a todos e todas!!
Alumnado de 4º relendo o fructífero labor destes anos pasados!
Preme na foto para ver as demais.

28/6/19

CHARLA DE INSTRUMENTOS DE PERCUSIÓN

Estupenda charla sobre os instrumentos de percusión, sobre os noso e, tamén, sobre outros moi descoñecidos! Grazas, Marcos!

CHARLA SOBRE O SAHARA ( 3º e 4º)

Que interesante charla sobre o Sahara!!Óscar contounos as súas experiencias durante a súa visita aos campamentos, onde conviviu con nenos/as e maiores.
Esta actividade foi un complemento ideal para o alumnado de 3º que leu o libro doce como o seu título  "Palabras de Caramelo"!


CHORIMAS 2019