20/4/17

DÍA INTERNACIONAL DO LIBRO (RECURSOS)


O Día do Libro (tamén denominado Día Internacional do Libro e Día Mundial do libro) é un acontecemento anual que se celebra o 23 de abril. Sabes por que se elixiu esta data? Se non o recordas, busca na seguinte ligazón no apartado do autor. Tamén poderás sentirte coma un/ha Quixote e vivir aventuras coma a dos muíños!!    

http://nea.educastur.princast.es/quixote/index2.htm
Para o 1º e 2º ciclo
.Se premes na imaxe, poderás aprender moitísimas cousas sobre esta famosa novela de forma moi divertida!! Mesmo poderás escoitar algún capítulo e ler unha versión en cómic!!


http://www.educa.jcyl.es/educacyl/cm/gallery/Recursos%20Infinity/tematicas/webquijote/obra_libro1.html
Para o 2º e 3º ciclo


As ligazóns que aparece a continuación son moi interesantes para o fomento da lectura e escritura!


http://lapiceromagico.blogspot.com.es/2015/04/50-actividades-para-el-dia-del-libro.html


 






http://blog.tiching.com/los-10-mejores-recursos-educativos-para-celebrar-el-dia-del-libro/
 OS DEZ MELLORES RECURSOS PARA CELEBRAR O DÍA DEL LIBRO




Versión íntegra da curta de animación gañadora do Óscar 2012. Esta curta demostra a importancia da lectura realizando unha fermosa homenaxe aos libros.




3/4/17

DÍA DO LIBRO INFANTIL

O día 2 de abril foi o Día Internacional do Libro Infantil, e sabes por que se escolleu esa data? Pois porque tal día como ese do ano 1805 naceu un gran escritor de contos infantís chamado HANS CHRISTIAN ANDERSEN, en Dinamarca, ao norte de Europa. Seguro que tes lido moitos dos seus contos sen saber que el era o autor, por exemplo: O patiño feo, O soldadiño de chumbo, O traxe novo do emperador...

Queres volver ler eses e outros moitos contos máis escritos por el? Preme na foto.



http://ciudadseva.com/autor/hans-christian-andersen/cuentos/


Hoxe, no cole, celebrámolo con interesantes lecturas deste autor, como por exemplo: "O reiseñor", "O traxe novo do rei" e  "A princesa e o chícharo".




Se queredes ler de novo o conto "O traxe novo do rei", podedes facelo no seguinte vídeo:

DÍA DO AUTISMO

O venres tivemos presente a todos/as os que teñen este síndrome, puxémonos un corazón azul cheo de fermosas palabras dedicadas a estas persoas e vestímonos tamén de azul. Ademais puidemos ver esta presentación coa música de fondo de Macaco.






  Aquí tendes un fermoso vídeo que vos fará pensar!



20/3/17

DÍA DA POESÍA E DA ÁRBORE


Este ano, para celebrar o Día da Poesía,  imos coser versos! Xogaremos a formar poemas a partir de versos recortados. Ademais, na nosa Primavera das Letras, penduraremos poemas orixinais ou copiados  nas árbores que se porán na entrada. Anímate, todos levamos un / unha poeta en nós, non si?!

 Para ver entradas anteriores con recursos e actividades sobre este tema, preme na seguinte ligazón:









15/3/17

DÍA DE ROSALÍA

O 24 de febreiro foi o Día de Rosalía de Castro, aínda que calquera día é bo para ler a súa obra. Se queredes ver todas as entradas relacionadas con esta marabillosa escritora, tendes que premer no apartado de "etiquetas" onde pon Rosalía de Castro ou na seguinte ligazón:

ENTROIDO 2017

Aquí tendes as fotos do Entroido, como xa sabedes fixemos uns disfraces moi ecolóxicos, pois empregamos materiais de refugallo.

 QUE BEN QUEDARON!!
                                                       Preme no Meco para ver as fotos.



25/1/17

DÍA DA PAZ 2017

Este ano imos celebrar o Día da Paz cunha fermosa canción que fala da amizade entre todos os nenos e nenas do mundo. A letra, que é do escritor Xosé Neira Vilas, podedes aprendela coa presentación que aparece a continuación. Ademais xa sabedes que imos aprender a cantala en linguaxe de signos,que sorte temos! Celebramos este día participando nun obradoiro que nos axudou a descubrir a nosa paz interior, sen a cal  sería imposible poder gozar da paz na nosa casa, cidade, colexio...ata chegar a globalidade do mundo!!
 Aquí tendes unhas fotos deste magnífico obradoiro, algúns mesmo lograron meditar cunha grande concentración!
Preme na foto para ver as fotos




Preme na foto
Tamén decoramos o vestíbulo cos nosos debuxos, nós mesmos collidos das mans como amigos e amigas que somos e seremos sempre!!

1/12/16

Unha escritora entre nós

A semana pasada tivemos a sorte de recibir a visita de Fina Casalderrey co gallo da presentación da súa curta "A última moeda". A continuación vese a presentación onde se lle agradece a súa influencia, directa ou indirecta, a cal foi necesaria para desenvolver o gran traballo realizado polo alumnado deste centro ao longo destes anos; pero tamén temos que ter en conta que a outra artífice das diferentes actividades deseñadas foi a nosa compañeira Isa Pazos. Grazas ás dúas!

UNHA ESCRITORA ENTRE NÓS

8/11/16

EXPOSICIÓN DE CABAZAS 2016

LECTURAS TERRORÍFICAS

Neste Samaín puidemos escoitar unha chea de historias terroríficas e arrepiantes!!
Queres saber quen foron os escritores e escritoras? Pois aquí tes as fotos de todos os nenos e nenas que participaron.

23/10/16

DÍA DA BIBLIOTECA 2016

Os alumnos e alumnas de 5º B queren contarvos por que lles gusta ler e cales son os seus libros preferidos. Escoitade e a ver con quen coincidides!!!!

27/6/16

CHORIMAS 2016

A Chorimas nº 10 xa está nas vosas casas!!!

Este ano ten unha portada dedicada a Manuel María e á súa obra, Os Soños na Gaiola. É unha composición feita con todas as portas das aulas do cole, que ilustran cada unha das poesías que integran a obra. Vinde a velas, están preciosas!

E xa no interior... non vos perdades a entrevista a Crocauga, o artigo da excursión de 6º, toda a información de Pontenciencia, o Salón do Libro... e moito máis!!!! 



PONTENCIENCIA 2016

Como xa sabedes, os alumnos e alumnas de 6º participaron no Pontenciencia 2016 con dous experimentos sobre o azucre nos refrescos e a cor nas das bebidas. Levaron 1º accéssit. 



Podedes ver os resultados das súas investigacións na revista Chorimas 2016.

Tamén gañaron o 2º e o 3º premio as familias Rivas Otero e García González, respectivamente.




Moitos parabéns!


26/6/16

CONTACONTOS DO TROTACONTOS

Os nenos e as nenas de 1º tiveron a sorte de asistir a un contacontos do seu propio conto "Legumízate", o conto viaxeiro no cal participáramos xunto con outros centros de Pontevedra: Parada-Campañó, Campolongo, San Benito de Lérez e Verducido.

E non só escoitamos o conto, senón que tamén fixemos un obradoiro de debuxo cun ilustrador! 

E cada un levou o seu conto para a casa! Estes nenos e nenas de 1º son moi bos escritores.

BICHODIVERSIDADE

Aquí está o noso traballo do Salón do Libro, xa lucindo no noso cole. 

Xa sabedes que fomos o centro gañador do Premio do Público, non si? Ollade aquí se non o credes...



Parabéns aos nenos e ás nenas de 2º, 4º e 6º, aos seus profes e ao Equipo de Biblioteca.







ARTE EN 1º, 2º e 3º ANA LEGIDO

Os nenos e as nenas de 1º, 2º e 3º imitaron diferentes obras da pintora galega Ana Legido.

Aquí tedes o resultado!













DÁLLE Á LINGUA EN ONDA CERO

Xa están subidos os nosos audios na web de Onda Cero!!!!

Neles poderedes escoitar varias menciñas da nosa Botica das Palabras, lendas sobre as Pontes de Pontevedra, unha entrevista a Crocauga, informacións moi interesantes sobre os legumes e rimas moi divertidas cos bechos da horta. 

Premede na imaxe para escoitar!




25/6/16

CONCURSO DE DEBUXO PRAZA DE ABASTOS

Despois da visita á Praza de Abastos, alá polo mes de abril, todos e todas os nenos e as nenas de 1º e 2º, participaron no concurso de debuxos con cadanseu deseño.

E resulta que ao final temos tres gañadoras!!!

Uxía Solleiro Franco, Paula Licer López e
Sarai Miranda Cortegoso.

Noraboa, rapazas!