Hai palabras saborosas que alimentan o pensamento. Hai palabras agarimosas que quentan o corazón. Hai palabras soñadoras que nos levan de aventuras. Hai palabras doces, lambetadas para os sentimentos. Hai palabras en galego: saborosas, agarimosas, soñadoras, doces... que esperan mergulladas, ser escoitadas. A que esperas?!
10/2/15
OLLOS DE AULA Nº 19
Nesta primeira entrega do ano, Carmen Díaz Simón, orientadora do IES Lucus Augusti, valora cando as familias e o alumnado deben acudir ao Departamento de Orientación. Pola súa banda, Mª Dolores González Piñeiro, orientadora do CEIP San Clemente de Caldas de Reis, ofrece estratexias para estimular a intelixencia emocional. Así mesmo, Lines Salgado achégase e formula interrogantes sober os centros plurilingües e as seccións bilingües, mentres que Gracia Santórum nos agasalla unha vez máis cunha boa presada de atractivos títulos literarios.
TRABALLAMOS A MALALA
Con motivo do Día da Paz, ademais de facer un acto conxunto, tamén traballamos ao longo da semana a Malala Yousafzai como figura de paz, e reflexionamos sobre a importancia da igualdade de nenos e nenas e o dereito a unha educación.
Cada nivel se centrou nunha das 16 frases de Malala, que podedes ver aquí e tamén no mural do corredor principal.
DÍA DA PAZ 2015
Así celebramos a Paz no noso colexio o día 30 de xaneiro!
Como vedes, construimos entre todos, un símbolo da paz con velas, feitas por todos os nenos e nenas.
Tamén lemos un manifesto elaborado polo alumnado de 5º. E finalmente, cantamos a canción "Apertas que voan", de Brinca vai.
Suscribirse a:
Entradas (Atom)