REVISTA CHORIMAS 2025

XORNAL CHORIMAS by Marcos Portela

Como sempre, unha revista magnífica onde se reflicten algunas das moitas actividades realizadas ao longo deste curso.

DICÍMOSCHO NÓS

 Canto aprendemos con estés nenos e nenas do noso centro! Ti tamén querés mellorar o teu galego?! Pois mira estes vídeos e xa verás canto podes aprender!

RECOMENDACIÓNS LECTORAS VERÁN 2025

 

OBRADOIRO CIENTÍFICO. OS MARTES CONTAN CON ARTE

Para rematar o curso, gozamos dunha tarde de experimentos da man de Arenaria. Con estas científicas puidemos explorar a ciencia dende preto e emocionarnos coas experiencias que nos foron preparando. Puxemos en práctica o método científico e as nosas cabezas non pararon de pensar e formular hipóteses. Foi interesantísimo á  vez que impresionante!

MAIKA AGUADO E RAFA PRIETO. VISITAS DE CINE

Esta semana tivemos o pracer de contar con outra visita de cine. Neste caso visitounos Maika Aguado, pero non veu soa, se non que a acompanhou Rafa Prieto. 

Maira é actriz e graduada en Xornalismo. Comezou a súa andaina na compañía Vacaloura de Vigo. Conta cunha gran experiencia nos medios de comunicación e participou como actriz en distintas series de ficción como Mareas Vivas, Rías Baixas, Galicia Exprés... Paralelamente desenvolve o seu labor como actriz de dobraxe en galego e castelán.

Rafa Prieto leva máis de 35 anos trabalhando como técnico no sector audiovisual: música, dobraxe, postprodución e mestura de son para cine, radio, televisión...

Grazas pola vosa visita e por deixarmos vivir en primeira persona como é esta profesión tan divertida do mundo da dobraxe. 

XOGOS NA BIBLIO

Hoxe o alumnado de 5º puido gozar dunha sesión guiada de xogos de mesa onde o pasaron en grande e aprenderon moitísimo. Coñeceron xogos novos e axiña se encargarán de darllos a coñecer ao resto dos seus compañeiros. 

MONTANDO A PELÍCULA

No PDI deste curso do CEP Marcos da Portela traballamos o cine. Ao longo do ano aprendimos moitas cousas sobre esta arte e ata tivemos encontros con grandes profesionais do celuloide, como por exemplo, Jorge Coira, Julia Castro e Alicia e Lola Dapena. Tamén nos propuxemos facer unha produción cinematográfica na que plasmar todos os coñecementos adquiridos. O resultado foi algo parecido a unha película á que lle puxemos por título "O roubo do Traslí dourado". 

Se queres ver todas as entradas relacionadas co noso PDI, preme AQUÍ.

PREME NA FOTO PARA VER O VÍDEO

CORRELINGUA

QUE BEN O PASAMOS HOXE NA FESTA DA LINGUA! LEVAMOS OS NOSOS DORSAIS CON FERMOSAS E SONORAS PALABRAS GALEGAS!

PREME NA FOTO PARA VER MÁIS

Un manifiesto pola lingua viva

Durante o evento leuse un manifiesto elaborado por alumnos de varios institutos, que destacou a importancia dunha mocidade activa por unha lingua viva. No texto suliñouse que o galego é  “un tesoro legado por aqueles que defenderon a lingua en rúas, medios e escolas”.

 

SEMANA DAS LETRAS GALEGAS

Este ano o Día das Letras Galegas foi dedicado ás cantareiras e a poesía popular oral, en especial a seis mulleres galegas, creadoras e trasmisoras de arte e beleza: Adolfina e Rosa Casás Rama, Eva Castiñeira e as Pandereteiras de Mens (Prudencia Garrido Ameijende, Asunción Garrido Ameijende e Manuela Lema Villar).

Ao longo da semana puidemos gozar de distintas actividades e actuacións.

A cargo do mago Samuel Moreno aprendemos moitos datos deste día mediante un espectáculo de maxia.

O grupo de pandereteiras "Cantarela" sorprendeunos cun marabilloso concerto de cantigas galegas. Un grupo moi especial, xa que os seus integrantes forman parte da nosa comunidade educativa (unha alumna do centro, antigas alumnas e mestras, así como familiares de exalumnos). Tamén se animaron a subir ao escenario outras nenas pandereteiras que temos no cole. 

Durante os recreos o alumnado puido participar en dous obradoiros: "A Lupa máxica" e "Pintamos pandeiretas". No primeiro deles adiviñaron distintas palabras relacionadas co mundo das cantareiras axudándose cunha lupa. Unha actividade moi entretida do Seminario Galán. Na segunda deron renda solta a súa creatividade pintando pandeiretas para decorar a biblioteca.

DÍA DO LIBRO

Que mellor forma de celebrar o Día do Libro que compartindo un libro cos nosos compañeiros e compañeiras?

Este ano saímos ao patio para facer lecturas compartidas e gozar xuntos da maxia da lectura. 

CONEXIÓNS PARELLAS

Coñeces a todos os personaxes das túas películas favoritas?

Se te queres poñer a proba, pásate pola biblioteca e procura acender as lámpadas destes traballos realizados polo alumnado de 4º.

Ben feito rapazada!

NOVIDADES MAIO

MAIO 2025

 Un ano máis de celebración dunha festa entrañable onde participa a comunidade educativo deste centro e os "amigos/as"  de sempre do noso Maio!! Parabéns a todos e todas!

O resultado foi , como sempre, dunha calidade inmellorable; sen embargo, o premio outorgado non correspondía  coa excelencia acadada, unha mágoa! Mais hai que estar orgullosos e satisfeitos polo traballo ben feito. 

Nas coplas conseguiuse un primeiro  premio, ben merecido polo saber facer dos /das participantes na súa creación e, sobre todo,  da nosa ex compañeira Isa! Parabéns!!

Coplas 2025 Cep Marcos Da Portela by Marcos Portela

Preme no cadrado para ampliar a imaxe e poder ler mellor.

VISITA DE IRENE ALONSO

O alumnado de 2º recibiu a visita de Irene Alonso despois de ler o seu libro "Refugallo o espantallo".  Un libro cheo de valores que nos deixa ver a importancia da reciclaxe, do coidado do medio, do respecto entre iguais... Todo a través da historia de Comba, unha nena á que lle encanta recoller materiais de refugallo para darlle unha nova vida e que desexa recompoñer o espantallo do seu pai.

Foi un encontro estupendo onde compartimos moito con Irene, fixemos pequenos xogos, creamos unha buxaina e firmounos os nosos libros.

Un pracer, Irene! Grazas pos este ratiño.

Por certo! Aquí vos deixamos a Marquiños, o noso espantallo.

VENRES DE CONTO

Irina tamén se animou a participar nos "Venres de conto" coa historia de "Cousiña linda", un libro moi fermoso.

Grazas a todos e todas pola vosa participación!

VISITAS DE CINE

Hoxe tivemos o pracer de contar con tres grandes visitas, Jorge Coira e as irmás Alicia e Lola Dapena.

Alicia e Lola Dapena son dúas técnicas de vestiario que levan máis de 25 anos creando o vestiario no mundo do cine e da televisión. Xuntas formaron a súa empresa "Saturna".

Jorge Coira é un director de cine e guionista que ten ás súas costas unha longa traxectoria no mundo do cine e da televisión. Dirixiu tanto curtametraxes coma longametraxes, participou en series de televisión e documentais e ata desempeñou un papel como actor. Gañou varios premios ao mellor director, á mellor montaxe, ao mellor guión e á mellor realización nos Premios Mestre Mateo, así como outros máis.

Moitas grazas por amosarnos en que consiste a vosa profesión, pero sobre todo por pasar este rato connosco.

No Marcos da Portela deixades a vosa pegada no noso particular Paseo da Fama.

RACHANDO CO GUIÓN

"Rachando co guión" é o nome do obradoiro do que gozou o alumnado de 3º e 5º da man de "A Xanela do Maxín". Un espectáculo que fomenta a igualdade e no que os nenos e nenas puideron dar renda solta á súa faceta máis artística actuando con títeres. 

Deixámosvos aquí un anaco da actividade.

NOVIDADES ABRIL

 

VENRES DE CONTO

Hoxe no recreo gozamos do conto "O Marciano Marcial" da man de Fátima e Daniela.

Grazas, lectoras e oíntes, pola vosa participación!

UN DOMINGO MÁIS NO TROCALIBROS

O pasado domingo vivimos o xa tradicional Trocalibros no Pazo da Cultura. Coma sempre, foi unha estupenda xornada onde
puidemos intercambiar e compartir libros, experiencias e historias. 

Grazas a todos e todas pola vosa participación e entrega!

ORBIL VEN AO COLE!

Hai uns días tivemos a Orbil polo noso cole. Que ilusión volver a verte! 

Sempre serás benvido!

VISITA DE ANDREA MACEIRAS

Tivemos, un ano máis, a ocasión de contar coa visita desta autora para falarnos do seu  interesante libro: A folla azul. Unha narración entretida e cunha mensaxe que nos obriga a refexionar sobre a necesidade de compromiso social fronte a destrución do planeta e, mesmo, das civilizacións.

Foi moi enriquecedror escoitar como xurdiu a idea de escribir este libro e todas as experiencias que a levaron a ser unha autora destacada da nosa literatura.

SINOPSE DA AUTORA

A folla azul é unha historia que nos traslada ao corazón da Selva amazónica. Alí vida da tribo de Husu Aké transcorre tranquila, en sintonía co ciclo da natureza e o espírito de Bekororoti.

Ata que un día a sabia avoa Arumi presinte que o desastre se cerne sobre a súa xente e decide revelar á súa neta o segredo que estivo gardando durante anos. Husu Aké embárcase así nunha viaxe heroica en busca dunha folla azul, o único remedio capaz de salvar aos seus.

Durante a súa aventura terá que romper leis e mandatos ancestrais e descubrir que hai un lugar alén do «mundo verde» onde se perdeu o amor pola Nai Terra.

Un grito contra a destrución dos recursos naturais e un canto a favor da cooperación e o respecto a outras formas de vida.

VISITA DE RAMÓN D. VEIGA

Os nenos e nenas de 1º puideron gozar da visita de Ramón D. Veiga, o escritor de "Chove", o libro que leron e que tanto lles gustou.

Outra historia dos cómics de Miñoca, quen adora a choiva, pero ningún dos seus amigos está disposto a mollarse para xogar con ela. Pero, se cadra hai alguén a quen no lle importaría. Quen será? Animámoste a descubrilo lendo este entretido libro.

Grazas pola túa visita, Ramón. Pasámolo en grande! 

VISITA DE ROSA ANEIROS

Hoxe os nenos e nenas de 5º recibiron a visita de Rosa Aneiros, a escritora do libro "Faísca, a nena neandertal". Nel conta a historia duns nenos que van de campamento e na visita a un xacemento arqueolóxico se atopan cunha nena neandertal coa que terán que facer boas migas se queren sobrevivir nun mundo tan hostil como fermoso.

Grazas pola túa visita, Rosa! Encantounos!

VENRES DE CONTO

Outro venres máis gozamos dun contacontos na hora do recreo. Esta vez foron Eva e Valentina as encargadas e escolleron o libro "Os mil brancos dos esquimós".

Grazas pola vosa participación e por compartir este momento con todos nós!

CERTAME DE POESÍA

 Un ano máis a poesía inundou o Cep Marcos da Portela!