28/11/22

25N DÍA INTERNACIONAL DA ELIMINACIÓN DA VIOLENCIA CONTRA AS MUllERES

 Conmemoramos este día  da mellor maneira posible, cunha estupenda e ben interpretada obra de teatro!!

Anunciámolo  con este cartel e emocionados asistimos a unha emocionante e moi espontánea dramatización!!

Para ver as fotos preme no cartel.






21/11/22

FINALISTAS NO XIII CERTAME DE CINE OUFF ESCOLA

Lembrades esta curtametraxe que fixeron os nenos e nenas de 2º de Primaria do curso pasado?

Titulábase "Case 101 dálmatas" e lucía así de ben.


Pois presentáronse ao concurso de cine OUFF ESCOLA e quedaron finalistas!

Ata Ourense desprazáronse todos emocionados á súa primeira entrega de premios e recibiron unha Mención Especial. Foi unha xornada maravillosa, chea de nervios e ilusión, e que sempre quedará para o recordo.

Un aplauso para estes pequeno artistas! 👏👏👏







15/11/22

DÍA INTERNACIONAL CONTRA A VIOLENCIA DE XÉNERO

 





PREME NA IMAXE

PREME NA IMAXE

PREME NO TEXTO






VOLVEN "OS MARTES CONTAN CON ARTE"

Dámoslle a benvida á nova tempada de "Os martes contan con arte"!

Este mes contamos coa visita do xa coñecido ilustrador Marc Taeger e a nosa querida compañeira Olalla como contacontos. Pásamalo en grande cos seus contos de medo!

Aquí vos deixamos un resumo dos momentos vividos.


Novas actividades e obradoiros están por chegar. Esperámosvos!


10/11/22

SAMAÍN E MAGOSTO 2022!!

 Coma sempre, as cabazas do CEP Marcos da Portela foron impresionantes!! Ademais as nais/pais decoraron a nosoa entrada de xeito terroríficamente espectacular!

A temática deste ano era o xogo, e puidemos atopar  cabazas xogando ao peletre, ao fútbol, baloncesto...

Preme para ver máis fotos e vídeos

No Magosto, que celebramos o 9 de novembro, comemos unhas castañas riquísimas e asadiñas na máquina de Paco!!

Preme para ver máis fotos

Como o mércores o tempo non acompañaba, pospuxemos os xogos ata o venres, día 11, que ben o pasamos!! Mirade que fotos máis chulas!!





3/10/22

HOXE ABRE A BIBLIOTECA!

     Ola, amigos e amigas! 
   Por fin chegou o día! Taslí abre as portas da nosa biblioteca e estavos esperando cunha chea de sorpresas. Agardamos a vosa visita, de luns a xoves de 16:00 a 18:00.

    Deixámosvos a continuación un vídeo coas novidades de outubro para que vaiades pensando en que libro ler e pasar así un bo rato.

    Vémonos!



 

20/7/22

CHORIMAS Nº 16 CURSO 2021-2022

CHORIMAS Nº 16 CURSO 2021-2022 by marcos on Scribd

CANTOS NO MARCOS

Un ano máis, no programa de actividades das Letras Galegas 2022, contamos co certame CANTOS NO MARCOS. O alumnado prepararou e ensaiou a súa actuación, que ben lles quedaron a todos/as
participantes!!



 

DICÍMOSCHO NÓS

 Dentro das actividades programadas para celebrar as Letras Galegas 2022, realízaronse varios vídeos onde o noso alumnado nos explica certos erros que non debemos cometer á hora de expresarnos en galego. Tomade nota!!

19/7/22

1º PREMIO ADHESIVO LETRAS GALEGAS

  Co gallo do Día das Letras Galegas convocouse un certame  de debuxo para realizar un adhesivo. A gañadora foi Noa Rodríguez de 5º A!! Parabéns por este debuxo que nos invita a abrirlle as portas ao galego!! 




Houbo outros/as  participantes que tamén presentaron debuxos magníficos como podedes comprobar a continuación:

                                 PREME  PARA VER MÁIS


21/6/22

GUÍA DE LECTURAS PARA O VERÁN

 Xa sabemos que o verán é un tempo ideal para ler!! Aquí tendes unha guía estupenda para que elixades ben as vosas lecturas estivais!!


Guía de Lecturas Verán 2022 by marcos on Scribd

15/6/22

PASAPALABRAS SOBRE FLORENCIO DELGADO GURRIARÁN

 

PASAPALABRAS  LETRAS GALEGAS 2022

Como todos os anos a coordinadora do EDL elaborou uns interesantes e educativos Pasapalabras. Con eles ides coñecer ao homenaxeado deste ano, recordades quen é? Pois, claro, Florencio Delgado Gurriarán.

Anímados a contestar despois de ter lido a súa biografía! Preme aquí para ler a de Seminario Galán.


Pasapalabra 2022 1º-2º NIVEL by marcos on Scribd

Pasapalabra 2022 3º-4º NIVEL by marcos on Scribd

PASAPALABRA 2022 5º-6º NIVEL by marcos on Scribd

9/6/22

GOCEMOS GALICIA II

Este ano, continuamos traballando co proxecto do curso pasado, "Gocemos Galicia". A verdade é que esta nosa terra da para moito!

Nos distintos niveis seguimos as indicacións de Traslí, investigar as catro provincias galegas, incidindo naqueles puntos de interese que merecen ser visitados.

Aquí deixamos algúns dos traballos que se fixeron.



A continuación tendes o impresionante vídeo da "Guía turística  virtual de Galicia"
O noso alumnado pode asesorarvos sobre moitos dos recantos da nosa terra que non podemos deixar de coñecer!! Fixérono xenial, que profesionalidade!!

                            Preme na foto para iniciar o vídeo.


8/6/22

AS FAMILIAS CONTAN

 Durante este curso contamos coa visita das familias para compartir connosco algúns contos. 

 É un pracer poder contar con vós. Moitas grazas!



5/5/22

O NOSO MAIO 2022

Coma sempre o noso "maio" quedou espectacularmente fermoso e perfecto, e como non podía ser doutra maneira gañamos o primeiro premio!!  
Non podemos deixar de agradecer a toda a xente que se implicou até a magrugada para facer realidade, un ano máis, o noso "maio", xente que acode ano a ano con moito ánimo e de maneira desinteresada; tamén, ao noso exalumnado, que sorte poder velos de novo!

Pero a nosa coroa e as coplas (nas que colaboraron parte do  alumnado de 6º e  profesorado, sobre todo mestras xa xubiladas) non foron menos; a perfección seguiu a ser unha constante en todas estas manifestacións! De feito, na prensa local, aparecemos como claros triunfadores. 

          1º PREMIO DE MAIOS 

          2º PREMIO DE COROA

          1º PREMIO DE  INTERPRETACIÓN DE COPLAS 

          2º PREMIO DE COPLAS

 Ademais, este ano,   foi Pilar Lores, a nosa Pili, a encargada de pronunciar un emocionante pregón, o cal pecha este círculo de perfección.  

Preme nas fotos para ver máis. Debaixo tes o vídeo do alumnado de 6º que conseguiu o 1º premio de interpretación de colpas.

                                      
PREME NAS PÁXINAS DAS COPLAS  PARA LELAS MELLOR


      


COPLAS DO MAIO NO "COLE"

21/3/22

SALÓN DO LIBRO 2022

Coma todos os anos, o noso centro implícase moitísimo na elaboración de materiais para o Salón do Libro. Este ano non ía ser menos e volvéronnos sorprender.

Noraboa mestres/as e nenos/as polo vosa dedicación!

CASE 101 DÁLMATAS (2º de Educación Primaria)

O alumnado de 2º de primaria fai que o clásico 101 dálmatas sexa aínda máis clásico: cine mudo, en branco e negro. Todo en tres minutos.


O LOBO (4º de Educación Primaria)

Tomando como referencia a letra de "O Lobo" do poeta Manuel María, o alumnado de 4º fixo un videoclip musical ben marchoso.


SHAMSIA HASSANI (5º de Educación Primaria)

O alumnado de 5º traballou a figura de Shamsia Hassani, a grafiteira afgana que desafía aos talibáns coa súa arte.

   

CON MOITA ARTE (6º de Educación Primaria)

O alumnado de 6º traballou distintos aspectos relacionados coa arte: a pintura (arte abstracto /vs/ arte figurativo), a literatura (mediante comentarios e composicións literarias), a escultura (coa elaboración de pezas de temática libre con materiual de refugallo) e a música (cun rap a Rosalía). 





2/3/22

ENTROIDO 2022

  Abofé que este Entroido significou a recuperación de case a "normalidade" no ambiente escolar!! Coma anos pasados, celebramos o desfile con marabillosos disfraces coridos e creativos, todos eles relacionados coa temática da ARTE!! 

Para rematar, o xuízo a este maldito virus e un estupendo e engaiolante baile, no que todos e todas participamos ata acabar esgotados de diversión!!

Grazas a todo o alumnado, ao profesorado, ao profe Rafa e á profe Isa! Sen esquecer ás familias que colaboraron na creación dalgúns disfraces e, sobre todo,  a CHARANGA OT de Monte Porreiro que nos acompañou durante todo o desfile!!


1/3/22

DÍA INTERNACIONAL DA MULLER E A NENA NA CIENCIA :ANA FREIRE

Que enorme privilexio contar con Ana Freire para celebrar este día tan importante!! Esta moza galega vén de recibir o premio ADA  pola súa traxectoria profesional tan interesante e tan fructífera nos eidos da Inxeñería informática e a Medicina. O alumnado de 5º e 6º puido coñecer a esta muller, que malia ser tan nova, conta cun importante desenvolvemento profesional. Precisamente, agora está levando a cabo un labor importantísimo , xa que pode axudar á xente que está en risco de cometer suicidio. 

Se queredes saber máis sobre ela preme na ligazón: ANA FREIRE



FOTOS DA CHARLA CON ANA FREIRE

Ademais, precisamente,  este ano o alumnado de 5º puido desfrutar do obradoiro ADA BYRON, a través do cal coñeceron esta figura tan importante no que se refire á computación. A continuación podedes ver as fotos da sesión co alumnado de 5º A e B.



FOTOS DO OBRADOIRO ADA BYRON

25/2/22

OS MARTES CONTAN CON ARTE

Damos a benvida a... OS MARTES CONTAN CON ARTE!

 

CONTAPINTACONTOS CON BEA CAMPOS E MARC TAEGER



OBRADOIRO CON ANXO FARIÑA


MAXIA E CIENCIA CON DAVID MÉNDEZ


"ELAS PINTAN MOITO" CON MIGALLAS TEATRO


KAMISHIBAI "DEBULENDO LENDAS" CON TARABELOS




6/2/22

PAZ 2022

 Que marabillosa celebración tivemos do Día da Paz!!  Fermosa canción, coas voces do noso alumnado; fermosos bailes sincronizados das distintas clases; e fermosa colaboración de todo o alumnado do centro para demostrar que é posible contaxiar ao mundo de amor sinceiro e de PAZ!!!

Ademais realizamos un mural, onde cada clase se facía eco dun acto de axuda ou honradez, por parte dun deportista, cara outro compañeiro ou adversario. Aprendamos de todos estes exemplos ben escollidos polo noso alumnado! 

Parabéns ao profe Rafa por esta celebración!  


VÍDEO DO BAILE 2º CICLO Este ano, para celebrar este gran día, o centro organizou unha actividade co contacontos Pedro Brandariz. Todo o alumnado, de 1º a 6º nivel, puido gozar dun entretido conto no que tamén participou!

NADAL 2021

 Este ano, malia as circunstancias, o profe Rafa ideou un magnífico festival de Inverno onde participou todo o mundo! Mentres parte do alumnado tocaba os instrumentos, outra clase bailaba coordinadamente!

Ademais, como sempre, a ANPA ambientou estupendamente a nosa entrada do cole, grazas! Pódense ver as fotos no vídeo.

 Tampouco hai que esquecer que, tamén como todos os anos, Mª Jesús regalounos un belén creativo e sustentable, se vos fixades na foto saberedes por que. Como sempre, impresionante! Grazas!

Preme na primeira foto para ver máis.