DÍA DO LIBRO

 O equipo da biblioteca organizou unha fermosa actividade de lecturas compartidas. Que gusto dá velos así, interados e mergullados na lectura!

CONCERTO NO CONSERVATORIO

  Hoxe puidemos asistir a un emocionante  concerto no Conservatorio de Pontevedra. Escoitamos a estupenda narración de "A frauta máxica" á vez que desfrutabamos dun impresionante concerto. Previamente explicáronnos os diferentes instrumentos que participaban no mesmo. 

DÍA MULLER

Para celebrar o Día da Muller e seguindo co tema do noso PDI, fixemos un mural onde aparecían CDs con información sobre diferentes mulleres que destacan ou  destacaron no ámbito da música.

RECITAL DE POESÍA "ROSALÍA DE CASTRO"

Que ben recitaron, maiores e pequenos/as, os versos de Rosalía e algún outro poeta! 

O máis emocionante deste recital foi escoitar o galego con acentos diversos: marroquí, sudamericano... Tan emocionante como o colofón deste día: todo o alumnado e profesorado fixeron resoar "Adiós, ríos; adiós, fontes"  de Rosalía de Castro no noso salón (comprobádeo nos seguintes vídeos). 

 Como todos e todas o fixeron tan ben, non puidemos establecer os tres premios estipulados, e cada participante recibiu un pequeno agasallo.

Tamén dispuxemos da exposición sobre esta autora durante toda a semana, e o alumnado mesmo os/as pequenos/as fixeron fermosos murais sobre a mesma.

PREME PARA VER MÁIS FOTOS

ENTROIDO 2026

 Moi musical foi este Entroido 2026! Houbo representantes de todo tipo de música: roqueiros, grupo Kiss, disc-jóckeys, rapeiros, músicos de "country"... que animaron  o desfile ao igual que as comparsas Os Canencos e Las Flores del Carnaval, que nos acompañaron unha vez máis, e aos cales estamos moi agradecidos.

Grazas tamén a todo o alumnado, ao profesorado e á profe Isa, por esas magníficas coplas, que, xunto coas compostas polo alumnado de 6º, contribuíron a realizar un xusto xuízo.

PREME NA FOTO

                                         

DÍA DE ROSALÍA DE CASTRO

ROSALÍA PEQUENIÑA

SEMPRE ROSALÍA

RAP: "ADIÓS, RÍOS; ADIÓS, FONTES" ( DO ANO PASADO)

UNIDADES DIDACTICAS SOBRE ROSALÍA DE CASTRO PARA PRIMARIA 

PREGUNTAS EN LIÑA

XOGO DE PREGUNTAS 

OUTRO XOGO

PREGUNTAS EN PDF

DÍA DA MULLER E A NENA NA CIENCIA

 Para celebrar este día tan importante, o alumnado de 5º A representou unha obra de teatro sobre a vida dunha gran científica: Marie Curie (preme para máis información). Maja púxose na pel de Marie e interpretou marabillosamente ese papel, do mesmo xeito que os demais actores e actrices: narradoras; o científico "bigotudo", que interpretou tou tan ben Miguel, mostrando a desconfianza e a falta de valoración dos homes da época, cara o traballo dunha muller; o pai , a nai e a súa irmá; o seu marido.... Parabéns, nenos e nenas!

PREME AQUÍ PARA VER TODAS AS FOTOS E OS VÍDEOS.

Ao finalizar puidemos ver unha videomontaxe con imaxes reais sobre a vida de Marie Curie.

RECURSO DO ENTROIDO

Sabes que en Galicia temos unha morea de entroidos!! Imos coñecer un pouco máis estas figuras do ENTROIDO TRADICIONAL GALEGO: Peliqueiro, Pantalla, Vergalleiro, Cigarrón...e, como non, as Madamas e Galáns de Vilaboa.

 

0 Entroido by acboullosa

E para cantar un pouco... O antroideiro de Paco Nogueiras

E para ler...

• OS "FELOS" DE MACEDA
• OS "CIGARRÓNS" DE VERÍN
• OS "PELIQUEIROS" DE LAZA
• AS "PANTALLAS" DE XINZO DE LIMIA
• OS "VERGALLEIROS" DE SARRAUS
• OS "BOTEIROS"
• OS CHARRÚAS
• OS TROTEIROS DE BANDE
• OS "VOLANTES DE CHANTADA"
• OS IRRIOS
• O "OSO DE SALCEDO"
• OS XENERAIS DO ULLA
• OS "XENERAIS" DO ULLA
• OS "APROPÓSITOS" CORUÑESES
• O "RAVACHOL"
• OS "MERDEIROS" DE VIGO
• MADAMAS E GALANS
• GASTRONOMÍA
• CRÉDITOS

DÍA DA PAZ

 Este ano por mor do mal tempo non puidemos celebrar este día como tiñamos pensado; pero non deixamos de facer un fermoso mural onde se traballaron diferentes cancións. Nel aparecían as diferentes fichas, unha por clase, coa seguinte información: título, nome do cantante ou grupo, retrouso ou frase representativa, xustificación da elección desa canción e debuxo sobre a mesma. 

ENREGUÉIFATE

 Pero que boas regueifas compuxeron e cantaron este alumnado de 6º, parabéns!! Foron moi creativos e espontáneos! 

NADAL 2025

 Aquí tendes o vídeo do fermoso e emocionante festival onde resoou a música das panxoliñas   un ano máis... onde despedimos á profe Chus con moito sentimento, onde os bos desexos viaxaron  entre o alumnado nas felicitacións que fixeron con agarimo e gran gusto estético. 

Ademais, podemos ver a homenaxe da nosa "gañadora" do deporte a nivel nacional, Ainhoa, acto no que contamos coa presenza do noso alcalde.  Parabéns!

Nas fotos aprezaredes a magnífica e incrible decoración da nosa ANPA e a  beleza en miniatura do belén de María Jesús. Moitas grazas polo voso marabilloso traballo.

PREME PARA VER MÁIS FOTOS

RECOMENDACIÓNS LECTORAS NADAL 2025

 

25 N DÍA INTERNACIONAL DA ELIMINACIÓN DA VIOLENCIA CONTRA A MULER

 O pasado luns, 25 de novembro, conmemoramos o Día Internacional da Eliminación da Violencia contra a Muller, unha data para lembrar a todas as vítimas e para reivindicar unha sociedade libre de agresións, desigualdades e discriminacións.

Participamos nunha actividade, xunto ao alumnado de infantil de Fina Casalderrey e o do IES Luís Seoane, que consistía en decorar unhas caixas (unha por nivel) con palabras ou mensaxes positivos cara a erradicación da violencia machista e o empoderameto da muller,  nunha das súas caras; noutra, unha palabra ou frase da realidade que aínda persiste hoxe en día. Con elas creamos a nosa pirámide e, posteriormente, formaron parte da pirámide conxunta co resto de alumnado no IES Luís Seoane. Como acto simbólico a  construción que reflectía aspectos negativos foi destruída.

 Finalmente, percorrimos todos xuntos as rúas ao son dos nosos percusionistas, e así concluímos esta conmemoración.

No noso centro tamén fixemos un mural con quebracabezas que completamos entre todas as clases. 

Preme aquí para ver más fotos.

GAÑAMOS!!

Gran nova para o cine galego! A nosa película “O  ROUBO DO TRASLÍ DOURADO”, realizada o pasado curso, vén de recibir un prestixioso 1º  premio no OUFF (Ourense Film Festiva).  Un recoñecemento que celebra a creatividade e a maxia coa que foi realizada polo noso alumnado e profesorado, baixo a talentosa dirección de Rafa! 

Se queres volver ver a película,  preme aquí.

 O alumnado de 6º nivel subiu ao escenario e soubo dar as grazas de maneira espectacular.

A noticia tivo repercusión mediática en varios xornais galegos, como podedes comprobar a continuación. 

DIARIO DE PONTEVEDRA(Preme aquí)

Publicación en LA REGIÓN (OURENSE)

MAGOSTO 2025

O venres 21 celebramos un rico Magosto con castañas quentiñas e saborosas,  e grazas ao bo tempo puidemos desfrutar do xogo e as risas! 

PREME NA FOTO

GAÑADORES/AS DO I CERTAME DE RELATOS TERRORÍFICOS - SAMAÍN 2025

                                    

Estes nenos e nenas do CEP Marcos da Portela saben ternos intrigados cos seus magníficos e terroríficos relatos até o final,  mesmo nos fixeron esbozar un sorriso polo seu desenlace creativo e gracioso.

  Parabéns a todos e, sobre todo, aos e ás gañadores/as!! 

PRONTO PODEREDES LER OS RELATOS NESTA ENTRADA!

Valentina Cruz, Ainhoa López e Cloe Couto (6º nivel)

                                          Berta Villariño, Leila Freire e Maja Pastoriza (5º nivel)

                                            Pablo Díaz, Álex González e Xavi Lado (4º nivel)

NA PROCURA DOS COGOMELOS E EXPOSICIÓN

PREME NA FOTO PARA VER MÁIS

 

SAMAÍN NA BIBLIOTECA

Coa celebración do Samaín preparouse unha semana de medo na biblioteca durante os recreos. 

O alumnado puido gozar de distintas actividades como contacontos, manualidades e proxeccións.

Grazas aos nenos e nenas de 6º pola vosa colaboración!

Aquí vos deixamos un anaco do ben que o pasamos.

SAMAÍN 2025

 Nunca defrauda a nosa exposición de cabazas do Samaín, máis ben nos segue a sorprender grazas ao inmenso traballo de nenos/as e maiores. E tamén, como sempre, a nosa entrada foi decorada magnificamente  pola nosa ANPA, como podedes ver no seguinte vídeo.

 

 Este ano o tema era "A Música", e as nosas cabazas resoaron no corredor do cole con gran virtuosismo!

Parabéns a todos/as participantes e aos/ás gañadores/as, que foron:

1º PREMIO: Luana de 4º A

2º PREMIO: Mateo de 2º A

3º PREMIO: Natalia de 6º A

ROTEIRO CASTELAO

O alumnado de 5º A e B realizou un interesante roteiro pola cidade de Pontevedra, para coñecer ao gran escritor Daniel Castelao. Aprendimos,  tamén, moitos datos da nosa vila e visitamos o Museo, concretamente a sala dedicada ao escritor.

Preme para ver as fotos