VENRES DE CONTO

Irina tamén se animou a participar nos "Venres de conto" coa historia de "Cousiña linda", un libro moi fermoso.

Grazas a todos e todas pola vosa participación!

VENRES DE CONTO

Hoxe no recreo gozamos do conto "O Marciano Marcial" da man de Fátima e Daniela.

Grazas, lectoras e oíntes, pola vosa participación!

VENRES DE CONTO

Outro venres máis gozamos dun contacontos na hora do recreo. Esta vez foron Eva e Valentina as encargadas e escolleron o libro "Os mil brancos dos esquimós".

Grazas pola vosa participación e por compartir este momento con todos nós!

VENRES DE CONTO

Naiara e Eric tamén se animaron a participar nos Venres de conto con "A galiña que non quería poñer ovos".

Moitas grazas por compartir esta lectura connosco!

VENRES DE CONTO

Durante o recreo de hoxe puidemos gozar do conto "Cans de ribeira", contado por Maja e Elia, dúas nenas de 4º.  

Grazas pola vosa participación!

ÚLTIMO CONTA CONTOS...

O último conta contos do curso da man de Natalia e Aroa, unhas alumnas de 4º.

Decidiron que unha delas representaba o conto, "Unha extraña visita", con xestos mentres a compañeira iba lendo. Foi unha aténtica marabilla, encantounos!!

Moitas grazas chicas. O curso que vén máis e mellor!

VENRES DE CONTACONTOS

Seguimos co "Venres de contacontos". Hoxe toucolle a dúas nenas e un neno de 5º ler un libro. Neste caso foi "A miña profe é un monstro".

Ás veces os monstros non son o que parecen. É un libro que fomenta o diálogo e invita as persoas a coñecerse mellor e loitar contra os prexuízos.

Moitas grazas por participar chicos e aos que viñeron a escoitar!

 

VENRES DE CONTACONTOS

Primeiro venres de contacontos que poidemos gozar na biblioteca.  Os alumnos de 4º leron un libro titulado "El lobo papón".

Moitas grazas por participar e ao alumnado que se achegou a escoitar este marabilloso conto!

CONTOS PARA A IGUALDADE

Hoxe tivemos con nós a Raquel Queizás para contarnos tres divertidos contos para a igualdade ao 1º ciclo.

Seguimos traballando dende o cole para mellorar a equidade na nosa sociedade.

Grazas Raquel, ata a próxima!

CONTACONTOS

Comezamos co "Venres de contacontos", aínda que esta semana empezamos o mércores, unha pequena proba que resultou ser un éxito.

Tres alumnas de 6º leron un libro que se titula "Que podo facer eu?", ao alumnado de 1º.

Moitas grazas chicas, esperámosvos ver pronto de novo!! 

VISITA DA ESCRITORA AN ALFAYA

O pasado venres, 25 de abril, recibimos a visita da escritora An Alfaya para falar, entre outros temas, do seu libro "Zoa e Azor". O silencio e a atención foron inmellorables, que interés se respiraba na nosa biblioteca! Primeiro, An contounos o tímida que era de pequena e como xurdiu o feito de empezar a escribir; logo, o alumnado comezou a facer unhas preguntas sobre o libro,certamente interesantes, algunhas preparadas e outras espontáneas; foi un verdadeiro éxito!! Escritora, alumnado e profesorado saímos encantados desta xuntanza tan interesante que deixará unha importante pegada!

Grazas, An Alfaya, e parabéns ao noso alumnado polo ben que se portou e traballou este fermoso libro!

           

Preme na foto para ver outras do acto

CANTOS CONTOS CON ANXO MOURE!

O pasado venres o alumnado de 3º e 4º tivo a sorte de escoitar contos solidarios, ecolóxicos, creativos... contados polo  xenial Anxo Moure, quen chegou ao no centro montado no seu especial patinete, chamado " NUBINETE"!!

CONTACONTOS DO TROTACONTOS

Os nenos e as nenas de 1º tiveron a sorte de asistir a un contacontos do seu propio conto "Legumízate", o conto viaxeiro no cal participáramos xunto con outros centros de Pontevedra: Parada-Campañó, Campolongo, San Benito de Lérez e Verducido.

E non só escoitamos o conto, senón que tamén fixemos un obradoiro de debuxo cun ilustrador! 

E cada un levou o seu conto para a casa! Estes nenos e nenas de 1º son moi bos escritores.

CONTACONTOS DE MEDO NO MARCOS DA PORTELA

Este Samaín pasámolo de medo coas historias que nos viñeron contar os pais, as nais, os avós e as avoas dos nosos nenos e nenas. 

Agredemos a todos e todas a participación nesta proposta, que axuda a fomentar o gusto polos contos e pola lectura.

Deica a próxima!

XA FALTA POUCO!

CONTACONTOS

Os nenos e as nenas de 1º e 2º asistiron a este fabuloso contacontos coa historia de "Augusta e os seus medos".

Moito rimos!