VISITA DA ILUSTRADORA ANDREA GARCÍA

Canto disfrutou o alumnado de 5º con esta ilustradora tan nova! Falounos de como debuxar e tamén de que é o que a levou a escribir. Todos e todas fixeron uns debuxos dos personaxes do seu último libro, titulado "Pantasmadas", que parecían de profesionais.

Logo debuxaron, por partes, un personaxe inventado entre cada tres alumnos, utilizando a man contraria, a boca, tapando os ollos... E puxéronlles un nome coas dúas inicias de cada un. Foi unha actividade moi creativa e entretida!

VISITA DE RAMÓN D. VEIGA

Os nenos e nenas de 1º puideron gozar da visita de Ramón D. Veiga, o escritor de "Chove", o libro que leron e que tanto lles gustou.

Outra historia dos cómics de Miñoca, quen adora a choiva, pero ningún dos seus amigos está disposto a mollarse para xogar con ela. Pero, se cadra hai alguén a quen no lle importaría. Quen será? Animámoste a descubrilo lendo este entretido libro.

Grazas pola túa visita, Ramón. Pasámolo en grande! 

VISITA DE LEDICIA COSTAS

Este luns, 17 de maio, o alumnado de 3º tivo o pracer de contar coa vista de Ledicia Costas despois de ler o seu libro "Curriño. O can influencer".  

Unha historia divertida e diferente na que Curriño é o can máis lindo e famoso. Vive a corpo de rei e coas mellores atencións, pero por desgraza está a piques de descubrir que a vida forá de todo o seu luxo é máis dura do que el cheiraba.

Grazas, Ledicia, por compartir este momento connosco e por esta historia que tanto nos gustou. Estes nenos e nenas xa leron a segunda parte e están desexando que chegue a terceira.

Ademáis sorprenderon á escritora cun fantástico mural! Deixamos aquí un vídeo da súa elaboración.

VISITA DE MARTA VILLAR

A escritora Marta Villar estivo co alumnado de 4º para compartir o seu libro "Os peidos máxicos de Sultán". Un libro moi divertido onde conta a historia dun neno que se atopa cun can que parece ser que ten poderes máxicos, pero uns poderes un tanto peculiares, algo fedorentos e de consecuencias pouco desexables.

Grazas por vir, Marta, e por facernos pasar un momento tan agradable.

MANU PORTELA

Manu Portela ex-alumno do Marcos da Portela veu ao cole o xoves. Estivo xogando co alumnado, firmando autógrafos, falando de como compaxina os estudios co deporte...

Manu actualmente é xogador do xuvenil de División do Honor do Vilarreal. Cando o ficharon, aos once anos, estaba xogando no AJ Lérez.

Grazas pola visita Manu e moita sorte no futuro!

Compartímosvos unha ligazón onde aparece un artigo sobre el.

Fichaxe Manu Portela

MIÑOCA E OURIZO

O pasado xoves 9 de maio estivo o escritor Ramón D. Veiga presentando o seu libro, "A miñoca e ourizo" ao alumnado do 1º ciclo. Un libro en formato cómic, onde unha miñoca deixa claro que para ser amigos (neste caso dun ourizo), abonda cunha boa pizza carbora e con extra de queixo.

Ademais, encantounos que nos contara outro dos seus libros "Chove!", no que ten tamén como personaxe principal a unha miñoca.

Moitas grazas pola visita!

UNHA NOVA DIMENSIÓN

O autor, Anxo Iglesias, estivo co alumnado de 3º para compartir o seu libro "Unha nova dimensión". 

Un libro cheo de poemas onde prima a compoñente lúdica e imaxinativa que conecta directamente co mundo da infancia.

Anxo, grazas por transmitirnos que a poesía pode ser un xogo e ser entendida como fonte de diversión.

O DÍA QUE CHOVERON GATOS

Encontro coa autora Eva Mejuto para compartir co alumnado de 5º o seu libro "O día que choveron gatos".

Unha divertida historia chea de humor, solidariedade e amor polos animais.

Eva, grazas por vir e facernos desfrutar deste marabilloso libro con todos nós!

A MIÑA AMIGA INVISIBLE

O autor do libro "A miña amiga invisible", Eduardo Santiago, compartiu co alumnado de 6º este conto de fadas pouco convencional e que ten o poder da imaxinación para enfrontar problemas reais.

Grazas polo encontro!

RINGO. MEMORIAS DUN COELLO FEDELLO

Visita de Pablo Nogueira do libro "Ringo. Memorias dun coello fedello" co alumnado de 4º.

Un conto cheo de imaxinación, enxeño e humor que aborda temas esenciais, como o valor da amizade, diversidade, a empatía e o amor.

Pablo, grazas por compartir este encontro con nós!

VISITA DE ANDREA MACEIRAS

Os nenos e nenas de 5º e 6º recibiron a visita de Andrea Maceiras, autora dos libros "Conta nove estrelas" e "A folla azul". Xuntos puideron intercambiar ideas sobre as súas lecturas e gozar do momento da firma de libros. Foi un encontro moi agradable.

VISITA DE MARÍA CANOSA

O alumnado de 4º recibiu a visita da escritora María Canosa despois de ler o seu libro "Cazadora de estrelas". Quedaron encantados tanto da lectura como do momento compartido con ela. 

     

Preme na foto para ver máis.

     

                                                         Para ver máis fotos preme na imaxe.