OS MARTES CONTAN CON ARTE. CANTAMOS CON LUIS...EN GALEGO!!

O pasado mércores 24 de abril tivemos a sorte de ter con nós a Luis. 

Bailamos e cantamos contos clásicos como, "os tres porquiños", "o parruliño feo"... dunha maneira diferente, reconvertidas en divertidas cancións con aire de rock.

Moitas grazas pola visita!

LECTURAS COMPARTIDAS ENTRE 1º E 3º

Fermosa experiencia que viviu o alumnado de 1º e 3º compartindo historias marabillosas que nos regalan os libros.

NOVIDADES ABRIL

XORNADA DE PRIMEIROS AUXILIOS

O martes 23 de abril tivemos unha formación sobre primeiros auxilios, e así asegurarnos de que pasos debemos seguir nun momento de urxencia.Unha intervención a tempo pode salvar vidas.

Grazas a "Cruz Roja" pola esta xornada de aprendizaxe.

DÍA DO LIBRO

O 23 de abril celébrase o día de libro, así que, decidimos facer unhas lecturas compartidas entre os máis grandes e os máis pequenos do cole.

Como di Borges, "Sempre imaxinei que o paraíso sería algún tipo de biblioteca". 

Gozade moito da lectura, hoxe e sempre, é a mellor aprendizaxe.

EDUCACIÓN AMBIENTAL

O alumnado do 1º ciclo fixo un obradoiro para traballar a concienciación ambiental. Para iso utilizamos rolos de papel hixiénico e creamos figuras, así desenvolvendo a creatividade e imaxinación.

Sabemos da importancia que ten o planeta para a nosa vida, por iso debemos coidalo e ter unha menor contaminación sobre el. 

As figuras quedaron marabillosas!

UNHA NOVA DIMENSIÓN

O autor, Anxo Iglesias, estivo co alumnado de 3º para compartir o seu libro "Unha nova dimensión". 

Un libro cheo de poemas onde prima a compoñente lúdica e imaxinativa que conecta directamente co mundo da infancia.

Anxo, grazas por transmitirnos que a poesía pode ser un xogo e ser entendida como fonte de diversión.

DÍA INTERNACIONAL DO POBO XITANO

O día 8 de abril celebrouse o Día Internacional do Pobo Xitano. Un día para amosar o orgullo de ser xitanos e xitanas e reinvidicar o dereito ao recoñecemento e á igualdade.

Por esa razón recibimos a dúas irmáns para contarnos a súa vida como estudantes, a necesidade de esforzo para conseguir os seus obxectivos e dárlle visibilidade a esta etnia.

Moitas grazas pola visita chicas e contarnos a vosa experiencia!

O DÍA QUE CHOVERON GATOS

Encontro coa autora Eva Mejuto para compartir co alumnado de 5º o seu libro "O día que choveron gatos".

Unha divertida historia chea de humor, solidariedade e amor polos animais.

Eva, grazas por vir e facernos desfrutar deste marabilloso libro con todos nós!

NOVIDADES MARZO

A MIÑA AMIGA INVISIBLE

O autor do libro "A miña amiga invisible", Eduardo Santiago, compartiu co alumnado de 6º este conto de fadas pouco convencional e que ten o poder da imaxinación para enfrontar problemas reais.

Grazas polo encontro!

UN DOMINGO NO TROCALIBROS

O pasado domingo 10 de marzo tivemos a ocasión de participar unha vez máis no Trocalibros. Uunha fantástica xuntanza onde puidemos darlle unha segunda vida a eses libros que xa non usamos e acoller a outros cos que vivir novas aventuras. 

Grazas a todos e todas por participar!

DIA INTERNACIONAL DA MULLER

Co gallo do Día Internacional da Muller, o profe Rafa organizou unha representación que acaía, perfectamente, para sermos conscientes da diferenza, que aínda existe hoxe en día, entre o reparto das tarefas da casa. Ben é certo que en moitos casos os papás e os nenos tamén traballan conxuntamente coas mamás e nenas, pero hai que chegar ao 100%!!

O título da obra de teatro é ben representativo: "A familia dos porcos".

 

RINGO. MEMORIAS DUN COELLO FEDELLO

Visita de Pablo Nogueira do libro "Ringo. Memorias dun coello fedello" co alumnado de 4º.

Un conto cheo de imaxinación, enxeño e humor que aborda temas esenciais, como o valor da amizade, diversidade, a empatía e o amor.

Pablo, grazas por compartir este encontro con nós!

TROCA DE LIBROS. FEIRA DO LIBRO USADO

Volta un ano máis o TROCALIBROS! Unha oportunidade coa que poder darlle unha segunda vida aos vosos libros. 
Se tedes algún libro na casa en bo estado e que xa non ides volver a ler, non dubidedes en traelo ao cole para poder reutilizalo e que outros disfruten del. 

Vémonos o domingo 10 de marzo, no Pazo da Cultura de Pontevedra, entre as 11:00 e as 14:00 para trocar cos libros. 

Animádevos a participar!

Para máis información preme na imaxe.

OS MARTES CONTAN CON ARTE. ROSALÍA DE CASTRO

Para celebrar o Día de Rosalía de Castro realizamos un obradoiro de chapas e un mural Pop-Art da man de "Barafunda Animación". 

Pasámolo moi ben e os nosos artistas desfrutaron enormemente deixando voar a súa creatividade.

Grazas por participar!

NOVIDADES FEBREIRO

OS MARTES CONTAN CON ARTE. KAMISHIBAI, CONTOS POLA PAZ.

Para celebrar o Día Escolar da Non Violencia e da Paz, contamos cun estupendo contacontos e teatro de papel. Coas diferentes historias que nos contaron, aprendemos moitísimos valores sobre a natureza, a ciencia, o planeta e os seus habitantes. 

Moitas grazas pola visita!

DÍA DE ROSALÍA DE CASTRO 2024

O 23 de febreiro é o día de Rosalía de Castro. Escritora e figura fundamental para o renacemento galego. 

Entre outras cosas, é recordada por publicar a primeira gran obra en galego, "Cantares gallegos", e por ser unhas das precursoras da poesía.

Dende cole quixémolo celebrar facendo un mosaico do seu rostro máis coñecido.

Ademais deixámosvos un vídeo sobre a vida de Rosalía para coñecela un pouco máis e saber algunha curiosidade.

ENTROIDO 2024