DON INQUÉRITO INDÓMITO

O pasado mércores 15 de maio tivemos con nós a Don Inquérito Indómito, un detective privado, para contarnos quen foi Marcos da Portela.

Marcos da Portela foi un poeta do século XVIII de Monte Porreiro.

Ademais está mural do cole, acompáñao tamén o Padre Sarmiento, no que cita nas súas coplas a Marcos.

Moitas grazas pola información detective!

DÁNDOLLE COR AS NOSAS PALABRAS

Como sabedes o 17 de maio celébrase o Día das Letras Galegas, así que, quixemos darlle cor as nosas palabras.

Durante os recreos desta semana o alumnado de todos os cursos na biblioteca, podía colorear as palabras con forma de mandala.

Quedaron chulísimas. Moitas grazas pola particiación!

CONTACONTOS

Comezamos co "Venres de contacontos", aínda que esta semana empezamos o mércores, unha pequena proba que resultou ser un éxito.

Tres alumnas de 6º leron un libro que se titula "Que podo facer eu?", ao alumnado de 1º.

Moitas grazas chicas, esperámosvos ver pronto de novo!! 

MIÑOCA E OURIZO

O pasado xoves 9 de maio estivo o escritor Ramón D. Veiga presentando o seu libro, "A miñoca e ourizo" ao alumnado do 1º ciclo. Un libro en formato cómic, onde unha miñoca deixa claro que para ser amigos (neste caso dun ourizo), abonda cunha boa pizza carbora e con extra de queixo.

Ademais, encantounos que nos contara outro dos seus libros "Chove!", no que ten tamén como personaxe principal a unha miñoca.

Moitas grazas pola visita!

A NOSA HORTA

Os máis pequenos do cole están a traballar na horta plantando: pementos, leitugas, tomates, cenorias...

Unha actvidade moi divertida e experiencial, onde o alumnado coñece a orixe das legumes e verduras. Ademais goza do proceso co crecemento das hortalizas e mantemento das mesmas.

DÍA DAS LETRAS GALEGAS 2024

Neste 17 de maio, a autora que se homenaxea é Luisa Villalta, unha gran defensora da nosa cultura e da nosa lingua.

Con este vídeo poderedes saber un pouco máis sobre a súa vida.

FRANCISCO VIOLAT, ASTRÓNOMO

O pasado xoves 2 de maio tivemos a sorte de ter con nós a Francisco Violat. Conta cunha enorme experiencia como investigador e docente en Atronomía.

Actualmente ten como obxectivo o seguimento de obxectos estelares que son poucos observados e o estudio que existe ao longo de moito tempo.

Unha charla interesante sobre aspectos que no noso día a día pásannos desapercibidos.

Gracias pola túa visita, Francisco!

COPLAS CANTADAS POLO MAIO

Como todos os anos é tradición que nos días posteriores ao propio día do maio, cántanse as coplas fóra pola rúa. Con todo, este ano debido á chuvia tivémolo que facer no mesmo colexio.

Aínda así, gozamos das coplas cantadas e interpretadas polo alumnado de 6º.

Moitas grazas polo traballo!!

MAIO 2024

Aí vén o maio...pois por fin chegou o maio. Unha tradición dende o CEP Marcos da Portela por facer a coroa, o propio Maio e cantar as coplas.

Horas e horas e moita xente colaborando para obter o resultado final.

Aquí vos deixamos unhas imaxes e un vídeo resumindo todo o proceso.

Nesta ocación recollemos o 1º premio en coroa, o 2º no maio, o 2º nas coplas  e o 2º na interpretación.

Podemos dicir que o esforzo mereceu a pena.

Moitas grazas pola implicación e por non perder esta fermosa tradición.

Ata o ano que vén!!!!

A PRIMAVERA XA CHEGOU AO MARCOS DA PORTELA

Como di o refrán: "En abril augas mil, e en maio, todas as que queiran vir", así que,  precisamos agua para que crezan as nosas fermosas flores que acolle o patio de 1º.

Grazas ás familias do 1º ciclo por colaborar.