25 N DÍA INTERNACIONAL DA ELIMINACIÓN DA VIOLENCIA CONTRA A MULER

 O pasado luns, 25 de novembro, conmemoramos o Día Internacional da Eliminación da Violencia contra a Muller, unha data para lembrar a todas as vítimas e para reivindicar unha sociedade libre de agresións, desigualdades e discriminacións.

Participamos nunha actividade, xunto ao alumnado de infantil de Fina Casalderrey e o do IES Luís Seoane, que consistía en decorar unhas caixas (unha por nivel) con palabras ou mensaxes positivos cara a erradicación da violencia machista e o empoderameto da muller,  nunha das súas caras; noutra, unha palabra ou frase da realidade que aínda persiste hoxe en día. Con elas creamos a nosa pirámide e, posteriormente, formaron parte da pirámide conxunta co resto de alumnado no IES Luís Seoane. Como acto simbólico a  construción que reflectía aspectos negativos foi destruída.

 Finalmente, percorrimos todos xuntos as rúas ao son dos nosos percusionistas, e así concluímos esta conmemoración.

No noso centro tamén fixemos un mural con quebracabezas que completamos entre todas as clases. 

Preme aquí para ver más fotos.

GAÑAMOS!!

Gran nova para o cine galego! A nosa película “O  ROUBO DO TRASLÍ DOURADO”, realizada o pasado curso, vén de recibir un prestixioso 1º  premio no OUFF (Ourense Film Festiva).  Un recoñecemento que celebra a creatividade e a maxia coa que foi realizada polo noso alumnado e profesorado, baixo a talentosa dirección de Rafa! 

Se queres volver ver a película,  preme aquí.

 O alumnado de 6º nivel subiu ao escenario e soubo dar as grazas de maneira espectacular.

A noticia tivo repercusión mediática en varios xornais galegos, como podedes comprobar a continuación. 

DIARIO DE PONTEVEDRA(Preme aquí)

Publicación en LA REGIÓN (OURENSE)

MAGOSTO 2025

O venres 21 celebramos un rico Magosto e grazas ao bo tempo puidemos desfrutar do xogo e as risas! 

PREME NA FOTO

GAÑADORES/AS DO I CERTAME DE RELATOS TERRORÍFICOS - SAMAÍN 2025

                                    

Estes nenos e nenas do CEP Marcos da Portela saben ternos intrigados cos seus magníficos e terroríficos relatos até o final,  mesmo nos fixeron esbozar un sorriso polo seu desenlace creativo e gracioso.

  Parabéns a todos e, sobre todo, aos e ás gañadores/as!! 

PRONTO PODEREDES LER OS RELATOS NESTA ENTRADA!

Valentina Cruz, Ainhoa López e Cloe Couto (6º nivel)

                                          Berta Villariño, Leila Freire e Maja Pastoriza (5º nivel)

                                            Pablo Díaz, Álex González e Xavi Lado (4º nivel)

NA PROCURA DOS COGOMELOS E EXPOSICIÓN

PREME NA FOTO PARA VER MÁIS

 

SAMAÍN 2025

 Nunca defrauda a nosa exposición de cabazas do Samaín, máis ben nos segue a sorprender grazas ao inmenso traballo de nenos/as e maiores. E tamén, como sempre, a nosa entrada foi decorada magnificamente  pola nosa ANPA, como podedes ver no seguinte vídeo.

Este ano o tema era "A Música", e as nosas cabazas resoaron no corredor do cole con gran virtuosismo!

Parabéns a todos/as participantes e aos/ás gañadores/as, que foron:

1º PREMIO: Luana de 4º A

2º PREMIO: Mateo de 2º A

3º PREMIO: Natalia de 6º A

ROTEIRO CASTELAO

O alumnado de 5º A e B realizou un interesante roteiro pola cidade de Pontevedra, para coñecer ao gran escritor Daniel Castelao. Aprendimos,  tamén, moitos datos da nosa vila e visitamos o Museo, concretamente a sala dedicada ao escritor.

Preme para ver as fotos

RECURSOS DE DINAMIZACIÓN E MÚSICA 2025-2026

RECURSOS PARA FAMILIAS: PROGRAMA APEGO

CANTÁMOLA EN GALEGO (LISTAXE EN SPOTIFY)

CANTÁMOLA EN GALEGO (YOUTUBE)

ORELLA PENDELLA (DITOS, RECITADOS E CANCIÓNS INFANTÍS)

ALIALI (RECURSOS PARA EDUCACIÓN INFANTIL)

KÓKITI MÚSICA (EDUCACIÓN INFALTIL)

CANCIÓNS DA MESA (E.I.)

ALINGUA

ENREGUEIFATE 

ENREGUEIFATE (UNIDADE DIDÁCTICA)

CINEMA EN CURSO (DE 4º A 6º NIVEL)

CARTOGRAFÍA SENSORIAL DE GALICIA

CATÁLOGO VIRTUAL DE REFERENTES  LINGÜÍSTICOS

REFERENTES LINGÜÍSTICOS

O GRAN RETO (FALAR GALEGO DURANTE 21 DÍAS). QUERES SABER COMO O FIXERON ESTES MOZOS E MOZAS?

Información da actividade MODO GALEGO,  ACTÍVAO!

MODO GALEGO, ACTÍVAO (AMES)

MODO GALEGO, ACTÍVAO (RAG)

PREMIO MIL PRIMAVERAS

REVISTA CHORIMAS 2025

XORNAL CHORIMAS by Marcos Portela

Como sempre, unha revista magnífica onde se reflicten algunas das moitas actividades realizadas ao longo deste curso.

DICÍMOSCHO NÓS

 Canto aprendemos con estés nenos e nenas do noso centro! Ti tamén querés mellorar o teu galego?! Pois mira estes vídeos e xa verás canto podes aprender!

RECOMENDACIÓNS LECTORAS VERÁN 2025

 

OBRADOIRO CIENTÍFICO. OS MARTES CONTAN CON ARTE

Para rematar o curso, gozamos dunha tarde de experimentos da man de Arenaria. Con estas científicas puidemos explorar a ciencia dende preto e emocionarnos coas experiencias que nos foron preparando. Puxemos en práctica o método científico e as nosas cabezas non pararon de pensar e formular hipóteses. Foi interesantísimo á  vez que impresionante!

MAIKA AGUADO E RAFA PRIETO. VISITAS DE CINE

Esta semana tivemos o pracer de contar con outra visita de cine. Neste caso visitounos Maika Aguado, pero non veu soa, se non que a acompanhou Rafa Prieto. 

Maira é actriz e graduada en Xornalismo. Comezou a súa andaina na compañía Vacaloura de Vigo. Conta cunha gran experiencia nos medios de comunicación e participou como actriz en distintas series de ficción como Mareas Vivas, Rías Baixas, Galicia Exprés... Paralelamente desenvolve o seu labor como actriz de dobraxe en galego e castelán.

Rafa Prieto leva máis de 35 anos trabalhando como técnico no sector audiovisual: música, dobraxe, postprodución e mestura de son para cine, radio, televisión...

Grazas pola vosa visita e por deixarmos vivir en primeira persona como é esta profesión tan divertida do mundo da dobraxe. 

XOGOS NA BIBLIO

Hoxe o alumnado de 5º puido gozar dunha sesión guiada de xogos de mesa onde o pasaron en grande e aprenderon moitísimo. Coñeceron xogos novos e axiña se encargarán de darllos a coñecer ao resto dos seus compañeiros. 

MONTANDO A PELÍCULA

No PDI deste curso do CEP Marcos da Portela traballamos o cine. Ao longo do ano aprendimos moitas cousas sobre esta arte e ata tivemos encontros con grandes profesionais do celuloide, como por exemplo, Jorge Coira, Julia Castro e Alicia e Lola Dapena. Tamén nos propuxemos facer unha produción cinematográfica na que plasmar todos os coñecementos adquiridos. O resultado foi algo parecido a unha película á que lle puxemos por título "O roubo do Traslí dourado". 

Se queres ver todas as entradas relacionadas co noso PDI, preme AQUÍ.

PREME NA FOTO PARA VER O VÍDEO

CORRELINGUA

QUE BEN O PASAMOS HOXE NA FESTA DA LINGUA! LEVAMOS OS NOSOS DORSAIS CON FERMOSAS E SONORAS PALABRAS GALEGAS!

PREME NA FOTO PARA VER MÁIS

Un manifiesto pola lingua viva

Durante o evento leuse un manifiesto elaborado por alumnos de varios institutos, que destacou a importancia dunha mocidade activa por unha lingua viva. No texto suliñouse que o galego é  “un tesoro legado por aqueles que defenderon a lingua en rúas, medios e escolas”.

 

SEMANA DAS LETRAS GALEGAS

Este ano o Día das Letras Galegas foi dedicado ás cantareiras e a poesía popular oral, en especial a seis mulleres galegas, creadoras e trasmisoras de arte e beleza: Adolfina e Rosa Casás Rama, Eva Castiñeira e as Pandereteiras de Mens (Prudencia Garrido Ameijende, Asunción Garrido Ameijende e Manuela Lema Villar).

Ao longo da semana puidemos gozar de distintas actividades e actuacións.

A cargo do mago Samuel Moreno aprendemos moitos datos deste día mediante un espectáculo de maxia.

O grupo de pandereteiras "Cantarela" sorprendeunos cun marabilloso concerto de cantigas galegas. Un grupo moi especial, xa que os seus integrantes forman parte da nosa comunidade educativa (unha alumna do centro, antigas alumnas e mestras, así como familiares de exalumnos). Tamén se animaron a subir ao escenario outras nenas pandereteiras que temos no cole. 

Durante os recreos o alumnado puido participar en dous obradoiros: "A Lupa máxica" e "Pintamos pandeiretas". No primeiro deles adiviñaron distintas palabras relacionadas co mundo das cantareiras axudándose cunha lupa. Unha actividade moi entretida do Seminario Galán. Na segunda deron renda solta a súa creatividade pintando pandeiretas para decorar a biblioteca.

DÍA DO LIBRO

Que mellor forma de celebrar o Día do Libro que compartindo un libro cos nosos compañeiros e compañeiras?

Este ano saímos ao patio para facer lecturas compartidas e gozar xuntos da maxia da lectura. 

CONEXIÓNS PARELLAS

Coñeces a todos os personaxes das túas películas favoritas?

Se te queres poñer a proba, pásate pola biblioteca e procura acender as lámpadas destes traballos realizados polo alumnado de 4º.

Ben feito rapazada!

NOVIDADES MAIO

MAIO 2025

 Un ano máis de celebración dunha festa entrañable onde participa a comunidade educativo deste centro e os "amigos/as"  de sempre do noso Maio!! Parabéns a todos e todas!

O resultado foi , como sempre, dunha calidade inmellorable; sen embargo, o premio outorgado non correspondía  coa excelencia acadada, unha mágoa! Mais hai que estar orgullosos e satisfeitos polo traballo ben feito. 

Nas coplas conseguiuse un primeiro  premio, ben merecido polo saber facer dos /das participantes na súa creación e, sobre todo,  da nosa ex compañeira Isa! Parabéns!!

Coplas 2025 Cep Marcos Da Portela by Marcos Portela

Preme no cadrado para ampliar a imaxe e poder ler mellor.

VISITA DE IRENE ALONSO

O alumnado de 2º recibiu a visita de Irene Alonso despois de ler o seu libro "Refugallo o espantallo".  Un libro cheo de valores que nos deixa ver a importancia da reciclaxe, do coidado do medio, do respecto entre iguais... Todo a través da historia de Comba, unha nena á que lle encanta recoller materiais de refugallo para darlle unha nova vida e que desexa recompoñer o espantallo do seu pai.

Foi un encontro estupendo onde compartimos moito con Irene, fixemos pequenos xogos, creamos unha buxaina e firmounos os nosos libros.

Un pracer, Irene! Grazas pos este ratiño.

Por certo! Aquí vos deixamos a Marquiños, o noso espantallo.

VENRES DE CONTO

Irina tamén se animou a participar nos "Venres de conto" coa historia de "Cousiña linda", un libro moi fermoso.

Grazas a todos e todas pola vosa participación!

VISITAS DE CINE

Hoxe tivemos o pracer de contar con tres grandes visitas, Jorge Coira e as irmás Alicia e Lola Dapena.

Alicia e Lola Dapena son dúas técnicas de vestiario que levan máis de 25 anos creando o vestiario no mundo do cine e da televisión. Xuntas formaron a súa empresa "Saturna".

Jorge Coira é un director de cine e guionista que ten ás súas costas unha longa traxectoria no mundo do cine e da televisión. Dirixiu tanto curtametraxes coma longametraxes, participou en series de televisión e documentais e ata desempeñou un papel como actor. Gañou varios premios ao mellor director, á mellor montaxe, ao mellor guión e á mellor realización nos Premios Mestre Mateo, así como outros máis.

Moitas grazas por amosarnos en que consiste a vosa profesión, pero sobre todo por pasar este rato connosco.

No Marcos da Portela deixades a vosa pegada no noso particular Paseo da Fama.

RACHANDO CO GUIÓN

"Rachando co guión" é o nome do obradoiro do que gozou o alumnado de 3º e 5º da man de "A Xanela do Maxín". Un espectáculo que fomenta a igualdade e no que os nenos e nenas puideron dar renda solta á súa faceta máis artística actuando con títeres. 

Deixámosvos aquí un anaco da actividade.

NOVIDADES ABRIL

 

VENRES DE CONTO

Hoxe no recreo gozamos do conto "O Marciano Marcial" da man de Fátima e Daniela.

Grazas, lectoras e oíntes, pola vosa participación!