OBRADOIROS DE GALEGO

A estes obradoiros asistiu o alumnado de 1º e 2º, o día 3º de abril; moito aprenderon do corpo humano, mesmo dos "virus lingüísticos" que afectan á nosa lingua e, para rematar cantaron unhas cantigas!! O alumnado de 5º e 6º, participaron neste obradoiro o día 6 de maio; puideron divertirse e aprender algo máis da nosa fermosa lingua. Mediante acertixos, que resolveron con astucia, chegaron a resolución final!! E así puideron abrir a maleta da avoa Corvo e recibir un engaiolante agasallo! Sabedes o que? Pois uns cornos dunha vacaloura que lles darán moi boa sorte!!

OBRADOIRO DE 1º E 2º

Obradoiro de 5º e 6º

O XOGO DO CHIFLO

O Xogo do chiflo foi un obradoiro no que participaron os nenos e as nenas de 5º e 6º, no que aprenderon moitas cousas sobre a historia de Pontevedra a través da cooperación, a atención e a creatividade. 

O Chiflo é un personaxe que crea crebacabezas e guía aos nenos e nenas nunha historia sobre os segredos, persoeiros e tradicións da nosa cidade.

A través dos xogos e probas, foron atopando as solucións para montar cada cara dun cubo de cartón, con imaxes, frases, monumentos e persoeiros.

OBRADOIRO DÍXOME DÍXOME

O alumnado de 1º, 2º e 3º aprendeu moito vocabulario, moitos refráns e trabalinguas en galego co obradoiro Díxome díxome.

OBRADOIRO DE DOBRAXE 1º e 2º

Os nenos e as nenas de 1º e 2º pasárono en grande con este obradoiro de dobraxe. 

Uns dobradores da tvg viñeron ao noso cole para aprendernos cómo se fai a dobraxe nas películas e series. 

E nós dobramos nada máis e nada menos que un capítulo de Bob Esponxa.

OBRADOIRO LINGUA FORZA 3

Xa podedes ver as fotos do Obradoiro Lingua Forza 3 no que participamos todos os niveis. Consistiu nunha xincana de xogos moi divertidos, na que aprendemos moitas verbas na nosa lingua, da man de tres doutoras fantásticas que viñeron para rematar con este virus que asolaga a nosa terra.

E ti, padeces este virus ou fas un uso correcto da lingua?

OBRADOIRO DE DOBRAXE

Os nenos e nenas de 4º participaron nun obradoiro de dobraxe moi divetido. Tiveron que dobrar nada máis e nada menos que un capítulo de Bob Esponxa ao galego!

Esperamos volver repetir a experiencia!