VISITA DE LEDICIA COSTAS

Dentro do noso proxecto "A voz das mulleres", temos a sorte de contar coa visita de moitas mulleres interesantes traballadas nas diferentes clases. Ademais, o alumnado de 5º e 6º puido gozar da visita da escritora Ledicia Costas , coa que puideron falar dos seus libros, como por exemplo, " A señorita Bubble" e "Escarlatina, a cociñeira defunta"(Premio Nacional de Literatura Infantil e Xuvenil no ano  2015 e tamén Premio Merlín de literatura infantil ); libros que lemos e dos que se realizaron diferentes actividades. Agora xa sabemos por que lle encanta escribir...porque como ela di:" As mellores historias son as que se escriben coa cabeza pero, sobre todo, co corazón".

 Preme na foto para ver outras e para admirar os fermosos murais que se prepararon cos debuxos dos seus personaxes,

Ledicia firmando os libros do alumnado

ENTROIDO 2018

Menuda se montou este ano no Entroido!! Foi un entroido reivindicativo baixo o lema "Cambio de roles"!! As mulleres xa non quedan na casa, senón que ostentan cargos de moita importancia e responsabiliade (presidentas, ministras, directoras xerais de empresa...) e eles son os seus fieis secretarios; as nenas xa non xogan só ás bonecas, senón tamén aos cochiños, motos ou o que sexa; elas, como non, xogan ao fútbol, baloncesto, tenis... e eles... a animar;  as "chef" agora son elas e eles, os pinches; os músicos tocan e elas dirixen a orquestra coa súa batuta; as capitanas mandan nos barcos e os mariñeiros axúdanas e, como remate, os nenos desenvolvendo un traballo ben importante: perfecos amos de casa, porque eles o valen"!!!

Preme na seguinte ligazón para poder ler o testamento que fixo o alumnado de 4º coa profe Isa:

ENTROIDO Do Marcos Da Portela 2018 by Anonymous FUKzlCE on Scribd

DÍA DA PAZ 2018

Como todos os anos celebramos o Día da Paz, esta vez con moita poesía de autoras como Gloria Fuertes. O alumnado de 4º e a profe Isa compuxeron, a partir dun poema desta autora, o noso fermoso Manifesto; tamén puidemos escoitar o poema do noso mural: Mans á obra. Poemas que foron recitados polo alumnado de 4º e 5º nivel.

AQUÍ(preme na foto)  podedes ver as fotos e os vídeos dos poemas recitados:

 Pero como este ano é o ano das mulleres, a continuación tendes unha presentación onde se comproba cantas delas teñen loitado pola paz!!!

Se queres saber máis sobre o día da Paz en xeral, podes facer a seguinte webquest. Se a resolves ben, podes gañar o teu Diploma da Paz.

WEBQUEST DA PAZ

OUTRAS LIGAZÓNS SOBRE A PAZ: RECURSOS E TRABALLOS REALIZADOS ANOS ANTERIORES (PREME AQUÍ).

EN BUSCA DE COGOMELOS

Canto sabemos agora dos cogomelos!! Primeiro tivemos unha charla moi instrutiva e logo saímos polos arredores do centro.

FOTOS DO FESTIVAL DE INVERNO

Que ben o pasamos no Festival de Inverno, houbo de todo actuacións musicais, acrosports, teatro... A continuación están as fotos destes momentos tan emocionantes!!! Preme na foto.

RECOMENDACIÓNS LECTORAS PARA ESTE NADAL

Que ben o ides pasar con esta selección de lecturas!! Animádevos a ler este Nadal e tamén o resto  do ano; esperamos que gocedes moito coas aventuras de todos estes libros!

Recomendacións Lectoras Nadal 2017 by Anonymous 1qRq4Nxm on Scribd

EXPOSICIÓN DE CABAZAS 2017

A exposición deste ano ten nome de muller, canta imaxinación para representar á muller desde diferentes perspectivas!!!

MAGOSTO

Como todos os anos celebramos o Magosto con divertidos xogos e comendo unhas ricas e quentiñas castañas. Tamén tomamos unhas ricas sobremesas.

 Grazas aos pais/ nais que colaboraron na celebración!!

DÍA DA BIBLIOTECA 2017

 Para celebrar este día fixemos unha selección de lecturas moi interesantes; algunhas, como non, de mulleres relevantes!!
Aquí as tendes!

Entre Libros e Palabras by Anonymous FUKzlCE on Scribd

A VOLTAS COS LIBROS DE LEDICIA COSTAS

Que ben o imos pasar cos estes libros!!! Moitos xa  están a desfrutar os que hai na nosa biblioteca, case non hai maneira de atopalos por alí!!
Ademais se conseguimos que merquedes un bo número de exemplares entre o alumnado de 5º e 6º, poderemos contar coa presenza da autora no noso "cole"!! Animádevos canto antes!

MULLERES CIENTÍFICAS NOS XOGUETES

BENVIDOS/AS AO NOVO CURSO COA A VOZ DAS MULLERES!!

Ola, nenos e nenas!!! Este novo curso imos  escoitar moitas voces de mulleres: Gloria Fuertes, no Día da Paz; Mª  Victoria Moreno, nas Letras Galegas; mulleres de conto, no Salón do Libro; July Merheru, en Reflejarte... e moitas mulleres máis que destacaron en todos os ámbitos das artes, das ciencias... e da vida cotiá, en xeral. Bravo a todas elas!!, loitaron nun mundo de homes superando moitas dificultades para poder ter o éxito que se merecían elas e moitas das que quedaron nun total esquecemento. Coñeceremos a vida e a obra de mulleres de relevancia internacional/ nacional, galega e, tamén, da contorna máis próxima.

Algunhas das mulleres galegas que imos estudar, de diferentes maneiras e utilizando distintos recursos, podedes atopalas nesta ligazón:

HOMENAXE A ÁLEX

Coa chegada da primavera, a clase de 4º B -en nome de todo o centro- rendeu homenaxe a Álex Rodríguez Ferrín, baixo o prunus plantado na súa memoria.
O alumnado recitou un poema escrito para a ocasión e cantou "Resistiré". Finalmente, foron depositadas unhas flores ao pé da árbore.

         Cada póla é unha aperta;
         cada brote, unha lembranza;
         cada flor, un sentimento.
         Aquí fala... a esperanza.

DÍA NACIONAL DA LINGUAXE DE SIGNOS

O 14 de xuño foi o Día Nacional da Linguaxe de Signos, e co  gallo dun concurso da FAXPG, a nosa compañeira Rosa  fixo este fermoso vídeo co alumnado do noso centro.

ACTIVIDADE SOBRE MANUEL MARÍA: O POETA DO MIÑO

CONTACONTOS DE ANAYA

CHARLA SOBRE O MEL

ESTIVAL DAS LETRAS GALEGAS 2017

Que marabilloso festival!! Tivemos un grande programa:

• Obras de teatro: "A galiña azul", "O homiño de papel", "O merlo branco".
• Cantos tradicionais: Actuacións dos grupos gañadores.
• Coreografías: "Natación sincronizada", "Negra sombra" (Xoán XXIII).
• Cancións:"Capitán, meu capitán".
• Karaoke: "O rap da lingua".
• Presentación do vídeo da vida e obra de Carlos Casares ( voz dos nenos e nenas de 5º).

Podedes ver as fotos na seguinte presentación:

PAIS E NAIS LECTORES

Dende a Biblioteca plantexouse implicar aos pais e nais no seu plan de actividades e, como non, moitos/as deles/delas non dubidaron en aceptar.
Grazas pola súa participación e polo ben que o fixeron!!

Faltan fotos, en breve, poremos as demais

  

LECTURAS COMPARTIDAS

Dende a Biblioteca organizáronse moitas actividades que fomentan a lectura entre o noso alumnado. Unha delas foi a das lecturas compartidas que se fixeron en datas sinaladas como o Día do Libro ou o Día da Biblioteca.