DÍA DO LIBRO 2018

Este ano celebramos o Día do Libro cunhas lecturas compartidas ben interesantes e emotivas, como se pode ver nas seguintes fotos!

FOTOS DA REALIZACIÓN DO MAIO

LETRAS GALEGAS 2018 (RECURSOS)

RECURSOS DO SEMINARIO GALÁN PARA OS TRES CICLOS

DÍA DA MULLER TRABALLADORA

Para traballar esta data tendes recursos neste blog, como por exemplo, presentacións, contos...Só tendes que premer a etiqueta que se atopa no lateral correspondente a Día da muller/ Día da muller traballadora. Ademais podedes ler este conto que quizais non coñecedes como tal, animádevos a lelo!!

OUTRAS ENTRADAS INTERESANTES CON XOGOS, COMO O DA OCA E VÍDEOS INTERESANTES!! Preme


UNIDADE DIDÁCTICA  Preme

EU SON COMA TI (Preme) 

SEMANA DA PRENSA

A continuación tendes a ligazón onde aparece "A Voz de la escuela" do 28 de febreiro para traballar cos voso alumnado.

Preme na foto

Tamén se poden traballar as diferentes noticias, que aparecen na seguinte ligazón, co noso alumnado:

Ademais, os nosos alumnos e alumnas poden participar nun concurso DE "LA VOZ DA GALICIA", que ten como data límite de entrega o 30 de abril, para demostrar o seu talento como xornalistas.

PRIMAVERA DAS LETRAS

O pasado xoves tivemos a sorte e o honor de recibir a visita da Real Academia Galega, con persoeiros como o seu presidente, Víctor Fdez. Freixanes - por certo, a nosa biblioteca leva o seu nome!- e as académicas Marilar Aleixandre e a nosa benquerida Fina Casalderrey.

Presentouse o acto Primavera das Letras co que a RAG da a coñecer a homenaxeada este ano, Mª Victoria Moreno. Ademais dos discursos de Alicia, a nosa directora, do presidente e de Fina (todos eles moi emocionantes), tivemos as actuacións de diferentes alumnos e alumnas. Foi un acto entrañable ao cal asistiu profesorado dos centros da contorna, ANPA ...Persoas que compartiron con nós unhas horas cheas de emoción e nerviosismo pola repercusión mediática que ía ter o acto.

Preme nas fotos para ver como se desenvolveu o acto.

Víctor F. Freixanes, as académicas Fina Casalderrey e Marilar Aleixandre, Begoña Llácer e Pedro Ferriol, filla e viúvo de María Victoria Moreno, ás portas da biblioteca do CEP Marcos da Portela, que leva o nome do presidente da RAG.Fonte: RAG

Fermosos versos para homenaxear a Mª Victoria Moreno creados pola profe Isa e o alumnado de 4º nivel. Parabéns!!! A continuación, o brincaletras dedicado á esta autora.

Ano María Victoria Moreno by Marcos Portela on Scribd

Br Inca Letras by Marcos Portela on Scribd

FERMOSO ACRÓSTICO, REALIZADO COAS LETRAS DESEÑADAS POLO NOSO ALUMNADO,  QUE FORMAN UNS PRECIOSOS VERSOS CHEOS DA POESÍA DESTA AUTORA.

Preme nas seguintes ligazóns para ver os vídeos da Real Academia Galega:
https://www.youtube.com/watch?v=jJTVEqz5-dk
https://www.youtube.com/watch?v=KNIjQ-NDUaA&feature=youtu.be&a
https://www.youtube.com/watch?v=qcfzXERW3aE&feature=youtu.be&a=
https://www.youtube.com/watch?v=PQlS8_X6kKk&feature=youtu.be&a 
https://www.youtube.com/watch?v=7AoQFbvn-tM&feature=youtu.be&ahttps://www.youtube.com/watch?v=7AoQFbvn-tM&feature=youtu.be&a

                                       

O alumnado de 4º (A,B e C) foi  o fío condutor entre as tres actuacións, preguntándolle a nosa Mª Victoria particular a onde íai (a resposta era a presentación da actuación).

Actuacións:

• Vídeo presentación do "Pregón lido na Feira do Libro de Pontevedra de 2003" (só dunha parte do texto), alumnas de 6º.

• Dramatización do poema "O almorzo", a cargo de alumnos/alumnas de 3º.

• Poema musicado "Cantiga" do libro "Elexías de luz", alumnado de 5º (A e B).

• Peche das actuacións, alumnado de 4º.

O retrato, que aparece no escenario, foi realizado polo noso compañeiro Eduardo Antonio Dios.

Os fermosos versos que pecharon a actuación do alumnado foron:

"A miña relación con Galicia e a miña opción pola súa lingua é, simplemente, unha historia de amor".


"Escribo no mencer
escribo nesta hora
cando o mencer achega aos meus cristais
aloumiños incertos palabras peregrinas."



"Faleivos da liberdade
e, contra vento e marea,
 enfronteime coa censura
para dicirvos que era
un dereito inalienable
falar en lingua galega."

VISITA DE LEDICIA COSTAS

Dentro do noso proxecto "A voz das mulleres", temos a sorte de contar coa visita de moitas mulleres interesantes traballadas nas diferentes clases. Ademais, o alumnado de 5º e 6º puido gozar da visita da escritora Ledicia Costas , coa que puideron falar dos seus libros, como por exemplo, " A señorita Bubble" e "Escarlatina, a cociñeira defunta"(Premio Nacional de Literatura Infantil e Xuvenil no ano  2015 e tamén Premio Merlín de literatura infantil ); libros que lemos e dos que se realizaron diferentes actividades. Agora xa sabemos por que lle encanta escribir...porque como ela di:" As mellores historias son as que se escriben coa cabeza pero, sobre todo, co corazón".

 Preme na foto para ver outras e para admirar os fermosos murais que se prepararon cos debuxos dos seus personaxes,

Ledicia firmando os libros do alumnado

ENTROIDO 2018

Menuda se montou este ano no Entroido!! Foi un entroido reivindicativo baixo o lema "Cambio de roles"!! As mulleres xa non quedan na casa, senón que ostentan cargos de moita importancia e responsabiliade (presidentas, ministras, directoras xerais de empresa...) e eles son os seus fieis secretarios; as nenas xa non xogan só ás bonecas, senón tamén aos cochiños, motos ou o que sexa; elas, como non, xogan ao fútbol, baloncesto, tenis... e eles... a animar;  as "chef" agora son elas e eles, os pinches; os músicos tocan e elas dirixen a orquestra coa súa batuta; as capitanas mandan nos barcos e os mariñeiros axúdanas e, como remate, os nenos desenvolvendo un traballo ben importante: perfecos amos de casa, porque eles o valen"!!!

Preme na seguinte ligazón para poder ler o testamento que fixo o alumnado de 4º coa profe Isa:

ENTROIDO Do Marcos Da Portela 2018 by Anonymous FUKzlCE on Scribd

DÍA DA PAZ 2018

Como todos os anos celebramos o Día da Paz, esta vez con moita poesía de autoras como Gloria Fuertes. O alumnado de 4º e a profe Isa compuxeron, a partir dun poema desta autora, o noso fermoso Manifesto; tamén puidemos escoitar o poema do noso mural: Mans á obra. Poemas que foron recitados polo alumnado de 4º e 5º nivel.

AQUÍ(preme na foto)  podedes ver as fotos e os vídeos dos poemas recitados:

 Pero como este ano é o ano das mulleres, a continuación tendes unha presentación onde se comproba cantas delas teñen loitado pola paz!!!

Se queres saber máis sobre o día da Paz en xeral, podes facer a seguinte webquest. Se a resolves ben, podes gañar o teu Diploma da Paz.

WEBQUEST DA PAZ

OUTRAS LIGAZÓNS SOBRE A PAZ: RECURSOS E TRABALLOS REALIZADOS ANOS ANTERIORES (PREME AQUÍ).

EN BUSCA DE COGOMELOS

Canto sabemos agora dos cogomelos!! Primeiro tivemos unha charla moi instrutiva e logo saímos polos arredores do centro.

FOTOS DO FESTIVAL DE INVERNO

Que ben o pasamos no Festival de Inverno, houbo de todo actuacións musicais, acrosports, teatro... A continuación están as fotos destes momentos tan emocionantes!!! Preme na foto.

RECOMENDACIÓNS LECTORAS PARA ESTE NADAL

Que ben o ides pasar con esta selección de lecturas!! Animádevos a ler este Nadal e tamén o resto  do ano; esperamos que gocedes moito coas aventuras de todos estes libros!

Recomendacións Lectoras Nadal 2017 by Anonymous 1qRq4Nxm on Scribd

EXPOSICIÓN DE CABAZAS 2017

A exposición deste ano ten nome de muller, canta imaxinación para representar á muller desde diferentes perspectivas!!!

MAGOSTO

Como todos os anos celebramos o Magosto con divertidos xogos e comendo unhas ricas e quentiñas castañas. Tamén tomamos unhas ricas sobremesas.

 Grazas aos pais/ nais que colaboraron na celebración!!

DÍA DA BIBLIOTECA 2017

 Para celebrar este día fixemos unha selección de lecturas moi interesantes; algunhas, como non, de mulleres relevantes!!
Aquí as tendes!

Entre Libros e Palabras by Anonymous FUKzlCE on Scribd

A VOLTAS COS LIBROS DE LEDICIA COSTAS

Que ben o imos pasar cos estes libros!!! Moitos xa  están a desfrutar os que hai na nosa biblioteca, case non hai maneira de atopalos por alí!!
Ademais se conseguimos que merquedes un bo número de exemplares entre o alumnado de 5º e 6º, poderemos contar coa presenza da autora no noso "cole"!! Animádevos canto antes!

MULLERES CIENTÍFICAS NOS XOGUETES

BENVIDOS/AS AO NOVO CURSO COA A VOZ DAS MULLERES!!

Ola, nenos e nenas!!! Este novo curso imos  escoitar moitas voces de mulleres: Gloria Fuertes, no Día da Paz; Mª  Victoria Moreno, nas Letras Galegas; mulleres de conto, no Salón do Libro; July Merheru, en Reflejarte... e moitas mulleres máis que destacaron en todos os ámbitos das artes, das ciencias... e da vida cotiá, en xeral. Bravo a todas elas!!, loitaron nun mundo de homes superando moitas dificultades para poder ter o éxito que se merecían elas e moitas das que quedaron nun total esquecemento. Coñeceremos a vida e a obra de mulleres de relevancia internacional/ nacional, galega e, tamén, da contorna máis próxima.

Algunhas das mulleres galegas que imos estudar, de diferentes maneiras e utilizando distintos recursos, podedes atopalas nesta ligazón:

HOMENAXE A ÁLEX

Coa chegada da primavera, a clase de 4º B -en nome de todo o centro- rendeu homenaxe a Álex Rodríguez Ferrín, baixo o prunus plantado na súa memoria.
O alumnado recitou un poema escrito para a ocasión e cantou "Resistiré". Finalmente, foron depositadas unhas flores ao pé da árbore.

         Cada póla é unha aperta;
         cada brote, unha lembranza;
         cada flor, un sentimento.
         Aquí fala... a esperanza.

DÍA NACIONAL DA LINGUAXE DE SIGNOS

O 14 de xuño foi o Día Nacional da Linguaxe de Signos, e co  gallo dun concurso da FAXPG, a nosa compañeira Rosa  fixo este fermoso vídeo co alumnado do noso centro.