UN SAMAÍN DE CINE

Chegou a noite máis aterradora do ano e no Marcos da Portela celebrámola cun concurso de cabazas moi cinematográfico e disfrazados dos personaxes máis terroríficos. 

Aquí vos deixamos unha mostra das marabillosas creacións do noso alumnado e das nosas mellores galas de medo. 

Grazas coma sempre pola vosa participación.

NOVIDADES

 

DÍA DAS BIBLIOTECAS

O 24 de outubro celebramos o Día das bibliotecas cunha actividade proposta pola nosa mascota Traslí. Convidounos a gozar dunha sesión de cine mudo, onde puidemos ver distintas escenas que fixeron historia.

Tamén lembramos a película de cine mudo "Case 101 dálmatas", interpretada polo alumnado que agora está en 5º.

Foi unha actividade fantástica onde as gargalladas estiveron aseguradas.

MONTANDO A PELÍCULA

Comeza un novo curso e con el un novo proxecto, "Montando a película". 

Este ano adentrarémonos no mundo do cine. Estades preparados?   

                                                              3, 2, 1... ACCIÓN!

DICÍMOSCHO NÓS

O noso alumnado que espelido é, decátase de todos os  interferencias e erros que se cometen en galego!

Aprendamos con eles!

VÍDEO 1

VÍDEO 2

VÍDEO 3

VÍDEO 4

VÍDEO 5

VÍDEO 6

VÍDEO 7

RECOMENDACIÓNS LECTORAS DE VERÁN 2024

 

MANU PORTELA

Manu Portela ex-alumno do Marcos da Portela veu ao cole o xoves. Estivo xogando co alumnado, firmando autógrafos, falando de como compaxina os estudios co deporte...

Manu actualmente é xogador do xuvenil de División do Honor do Vilarreal. Cando o ficharon, aos once anos, estaba xogando no AJ Lérez.

Grazas pola visita Manu e moita sorte no futuro!

Compartímosvos unha ligazón onde aparece un artigo sobre el.

Fichaxe Manu Portela

O NOSO FESTIVAL 2024!!

 Como sempre, cando pensamos que non se pode superar, a arte aparece en Monte Porreiro con  máis talento! Estupendo festival que podedes ver nos seguintes vídeos...

ACTUACIÓN DE 1º C

ACTUACIÓN 1º B

ACTUACIÓN 1ºA 

1º Nivel O MOUCHO

ACTUACIÓN 2º A

ACTUACIÓN 2º B

ACTUACIÓN 3º

ACTUACIÓN 4º

ACTUACIÓN 6º

ÚLTIMO CONTA CONTOS...

O último conta contos do curso da man de Natalia e Aroa, unhas alumnas de 4º.

Decidiron que unha delas representaba o conto, "Unha extraña visita", con xestos mentres a compañeira iba lendo. Foi unha aténtica marabilla, encantounos!!

Moitas grazas chicas. O curso que vén máis e mellor!

QUEN SEMENTA SEMPRE RECOLLE...

Así loce a nosa horta despois de plantar o mes pasado.

Grazas a todo o alumnado e profesorado implicado para ter un horto así de fermoso. Desta maneira observamos como os alimentos nacen e medran da terra e para iso precisan coidado.

A RADIO DO MARCOS DA PORTELA

Compartímosvos a ligazón do podcast do Marcos da Portela, que poderes ver a través da aplicación "Ivoox". Dende aí tedes a oportunidade de escoitar os traballos que fai o alumnado de todos os cursos sobre diferentes temáticas.

Moitas grazas polo labor que hai detrás dos micrófonos e a vós por estar ao outro lado!

A RADIO DO MARCOS

PRODUTO FINAL DO NOSO PDI

O noso PDI deste ano do cole está relacionado coa maxia,como sabedes chámase "Meigas dentro". Por esa razón decidimos facer un libro "máxico", que recolle diferentes temáticas por cursos.

Para o 1º e 2º curso trata sobre personaxes máxicos de Galicia.

En relación co 3º curso, acolle herbas e os seus usos, no 4º curso traballaron sobre conxuros, refráns e rituais.

En 5º curso fálanos sobre festas e crenzas e por último para o 6º, recolle as lendas tradicionais de Galicia.

O alumnado de 6º tamén realizou un espectáculo de maxia como podedes ver no seguinte vídeo, o cal levou moito tempo de investigación e preparación.

Moitas grazas ao profesorado e ao alumnado de todo o cole pola vosa implicación e colaboración.

Para o ano máis e mellor!

VENRES DE CONTACONTOS

Seguimos co "Venres de contacontos". Hoxe toucolle a dúas nenas e un neno de 5º ler un libro. Neste caso foi "A miña profe é un monstro".

Ás veces os monstros non son o que parecen. É un libro que fomenta o diálogo e invita as persoas a coñecerse mellor e loitar contra os prexuízos.

Moitas grazas por participar chicos e aos que viñeron a escoitar!

 

A MAXIA DA RECICLAXE

O día 5 de xuño celébrase o día do Medio Ambiente, así que,  no cole decidimos crear debuxos con tapóns. Con isto estamos contribuíndo a reutilización de materiais. 

Como sabemos, non só é hoxe, se non todos os días do ano. Debemos axudar a coidar o noso planeta:  reciclando, matendo os espazos limpos, reutilizando, plantando árbores...todo depende de nós para vivir nun mundo con menos contaminación.

Deixámosvos un pequeno vídeo das creacións do alumnado no cole. Quedaron chulísimas!

Dende casa o alumnado tamén se animou a facer obxectos con materiais reciclados, deixando voar a súa creatividade. Moitas grazas ás familias por colaborar, quedaron xeniais!

LECTURAS COMPARTIDAS ENTRE 1º E 4º

Lecturas compartidas entre a clase de 1ºC e 4ºB. 

Unha experiencia onde o alumnado protagonista que le o conto mellora na linguaxe oral, a voz e a lectura propiamente. Os espectadores aumentan a atención e respectan ao lector.

Unha práctica moi enriquecedora que lles encanta e aprenden un montón dos compañeiros e compañeiras.

Grazas por compartir!

VENRES DE CONTACONTOS

Primeiro venres de contacontos que poidemos gozar na biblioteca.  Os alumnos de 4º leron un libro titulado "El lobo papón".

Moitas grazas por participar e ao alumnado que se achegou a escoitar este marabilloso conto!

O TENDAL DAS PALABRAS

Por fin temos colgadas as nosas palabras no tendal, iluminando a biblioteca.

Moitas grazas por darlle vida a este espazo!

CONTOS PARA A IGUALDADE

Hoxe tivemos con nós a Raquel Queizás para contarnos tres divertidos contos para a igualdade ao 1º ciclo.

Seguimos traballando dende o cole para mellorar a equidade na nosa sociedade.

Grazas Raquel, ata a próxima!

CONTOS PARA MANUELA. LUISA VILLALTA

Hoxe tivemos a sorte de ter con nós, "Contos para Manuela". Unha representación sobre a vida de Luisa Villalta, a autora homenaxeada das Letras Galegas deste 2024.

Con esta teatralización puidemos repasar que Luisa naceu en A Coruña, foi profesora de Lingua Galega e Literatura, encantáballe a música, escribir poesía e adoraba o galego e a súa Galicia.

Moitas grazas por ensinarnos tantas cousas sobre esta gran muller. Ata a próxima!

NOVIDADES MAIO